JOEL 3:18 - Khasi CL Bible (BSI)

¹⁸ “Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

KA BAIBL

¹⁸ “Te kan jia ha kata ka sngi, ba ki lum kin pynjaw ïa ka Waiñ thiang, bad ki lum rit kin tuid da ka dud, bad ki wah duid ka Judah baroh kin tuid da ki um; bad ka umpohliew kan mih noh na ka ïing U Trai, bad kan ai um ïa Ka Them Shittim.

JOEL 3:18 Mawu Ofanana

Ka Kitab U Job 29:6

Ki masi bad ki blang jong nga ki la ai shibun ka dud, bad ki dieng Olib ki la san ha ki khyndew jong ki jaka maw.

SALM 46:4

Ka don ka wah kaba wallam ka jingkmen sha ka nongbah jong U Blei, sha ka ïing bakyntang jong u Bahakhlieh Tam Eh.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

ISAÏAH 30:25

Ha ka sngi ba ïa ki jaka ba la kerkut jong ki nongshun jong phi la kurup bad ba ïa ki briew jong ki la pynïap, ki wahduid kin tuid na baroh ki lumbah bad ki lumrit.

ISAÏAH 35:6

Kiba dkoh kin rynsied bad shad, bad kito ki bym lah ban kren kin pyrta da ka jingkmen. Ki wahduid kin tuid lyngba ka ri shyiap;

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 45:8

Ngan phah ïa ka jingjop na sahit bneng kum u slap; ka khyndew kan ang ban pdiang ïa u bad kan phuh da ka jinglaitluid bad ka jingbishar hok. Nga, U Trai, ngan pynlong ïa kane ban jia.”

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

ISAÏAH 66:11

Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

JINGKHEIÑ 25:1

Mynba ki Israel ki la shong dara ha ka Them Akasia, ki rangbah ki la sdang ban ïathiah shongkha bad ki kynthei Moab kiba don hangta.