JOEL 3:13 - Khasi CL Bible (BSI)

¹³ Ki long kiba bymman haduh katta katta; ot ïa ki kum ïa u kew ha ka aïom ot; pynlwet ïa ki kum ïa ki sohwaiñ ha ka jaka pynmih umsoh haduh ba ka umsoh ka shlei.”

KA BAIBL

¹³ “To suh ïa ka rashi, naba ka jingot ka la ih: ale, to ïuh; naba ka jingtylliat soh ka la dap, bad ki jingdiang soh ki la shlei; naba ka jingbymman jong ki ka la bun.”

JOEL 3:13 Mawu Ofanana

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

JENESIS 18:20

Te U Trai u ong ha u Abraham, “Ki don ki jingkynnoh pyrshah kiba jur ïa ka Sodom bad ka Gomorrah, bad ka pop jong ki ka long kaba khraw katta katta.

ISAÏAH 17:5

Ka Israel kan long kum ka lyngkha ha kaba ïa u riewhadem la ot bad la kheit, kan kynjah kum ka lyngkha ha ka Them Rephaim haba la pynsah lyngkhuit ïa ka.

ISAÏAH 63:3

U Trai u jubab, “Nga la ïuh ïa ki jaitbynriew kum ki sohwaiñ, bad ym don uwei ruh u ba la wan ban ïarap ïa nga. Nga la ïuh ïa ki ha ka jingbitar, bad ka snam jong ki ka la bit lut ha ki jaiñphong jong nga.

JEREMAÏAH 51:33

Shen u nongshun un ot ïa ki bad un ïuhroit ïa ki kum u kew ha ka jaka tylliat kew. Ma nga, U Trai Badonbor Baroh, U Blei jong ki Israel, nga la kren.”

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

HOSIA 6:11

“Bad na ka bynta jong phi, ki paid Judah, nga la buh ka por ban pynshitom ïa phi ruh na ka bynta kaei kaba phi leh.

MATHAÏOS 13:39

bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MARKOS 4:29

Haba u kew u la ih, u briew u sdang ban ot ïa u da ka rashi, namar ka aïom ot ka la poi.

DEUTERONOMI 16:9

“Ñiew hynñiew taïew naduh ba phi sdang ot ïa u kew,

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.