JINGPYNPAW 8:13 - Khasi CL Bible (BSI)

¹³ Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”

KA BAIBL

¹³ Bad nga la khmih, bad nga la ïohsngew ïa uwei u pukni uba her hapdeng ka bneng, u da ong da ka ktien kaba jam, “Kordit, kordit, kordit, ha kita kiba shong halor kata ka khyndew, namar kita kiwei pat ki jingsawa ka turoi jong kita ki lai angel ki ban sa pynsawa!”

JINGPYNPAW 8:13 Mawu Ofanana

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

ESEKIEL 2:10

Kata ka kti ka la plied ïa ka kot kli, bad nga la ïohi ba ka don ka jingthoh ha baroh arliang — la thoh hangta ka jingïambriew bad ka jingsngewsih kthang bad ka jingpait dohnud bad ka jingud.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

JINGPYNPAW 11:14

Ka jingshyrkhei kaba ar ka la kut, hynrei ka jingshyrkhei kaba lai kan sa wan shen!

JINGPYNPAW 12:12

Bad kumta to shadkmen, phi ki bneng, bad phi baroh kiba shong basah hangta! Hynrei katno ka long kaba kordit ïa kata ka khyndew bad ïa ka duriaw! Naba u Ksuid u la wan hiar ha phi, bad ïa u la pyndap da ka jingbitar shla, namar ba u tip ba u don sa tang khyndiat ka por.”

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 19:17

Nangta nga la ïohi ïa u angel uba ïeng ha ka sngi. U la pyrta da ka sur kaba jam ïa ki sim baroh kiba her ha shiteng suiñ: “Ale bad ïalumlang na ka bynta ka jingkhawai kaba khraw jong U Blei!

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 9:1

Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.

JINGPYNPAW 9:12

Ka jingkordit kaba nyngkong ka la kut; hadien kane ka don sa ar tylli ki jingkordit ki ban wan.