JINGPYNPAW 7:15 - Khasi CL Bible (BSI)

¹⁵ Ka dei kumta ba balei ki ïeng ha khmat ka khet U Blei bad ki shakri ïa u bad sngi bad miet ha ka templ jong u. Uta uba shong halor ka khet un ïada ïa ki da ka jingdon ryngkat jong u.

KA BAIBL

¹⁵ “Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki.

JINGPYNPAW 7:15 Mawu Ofanana

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

1 KHRONIKL 23:25

U Dabid u ong, “U Trai U Blei ki Israel u la ai ka jingsuk ha la ki briew, bad u hi un shong junom ha Jerusalem.

EKSODOS 29:45

Te ngan shongduh hapdeng ki Israel bad ngan long U Blei jong ki.

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 8:1

Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 13:6

U la sdang ban tim ïa U Blei, ïa ka kyrteng jong u, ïa ka jaka shong jong u, bad ïa kito baroh kiba shong ha bneng.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 21:22

Ngam shym ïohi ïa ka templ ha ka nongbah, namar ka templ jong ka, u long U Trai U Blei Badonbor Baroh bad U Khunlangbrot.

JINGPYNPAW 22:3

Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.