JINGKHEIÑ 6:3 - Khasi CL Bible (BSI)

³ ki dei ban kyndiah na ka waiñ bad ka kyiad. Phim dei ban dih ïa kano kano ka jingdih ba la shna na ki sohwaiñ, lane ban bam sohwaiñ, la uba dang shu kheit ne uba la thad rkhiang.

KA BAIBL

³ to un kyndiah noh na ka Waiñ, bad ka kyiad; wat ai ruh ba un dih na ka Waiñ bajew, lane na ka kyiad bajew, to wat ai ruh ba un dih na ka um ki soh Waiñ, bad un ym ïoh bam ïa ki soh Waiñ ba-im lane ïa kiba la thad.

JINGKHEIÑ 6:3 Mawu Ofanana

LEBITIKOS 10:9

“Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

AMOS 2:11

Nga la jied katto katne na ki khun shynrang jong phi ban long ki nongïathuhlypa, bad katto katne na ki samla shynrang jong phi ban long ki Nasir. Hato kane kam long kaba shisha, ko ki paid Israel? Ma nga, U Trai nga la kren.

AMOS 2:12

Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

JINGKHEIÑ 6:4

Katba phi dang long u Nasir, phim dei ban bam ïa kano kano kaba mih na u dieng sohwaiñ, wat la ka long tang ki symbai ne ki snep sohwaiñ.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

1 THESSALONI 5:22

bad kiar na kano kano kaba sniew.

1 TIMOTHI 5:23

Wat dih tang ïa ka um, hynrei shim khyndiat ka waiñ ban ïarap ïa ka 'nierbah jong me, naba me long uba pang khah khah.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

NONGBISHAR 13:14

Kam dei ban bam ïa kano kano kaba mih na u dieng sohwaiñ; kam dei ban dih waiñ lane dih kyiad, lane bam ïa kano kano ka bymkhuid. Ka dei ban leh ïa kata baroh ïa kaba nga la ong ha ka.”

NONGBISHAR 13:4

Sumar ban ym dih waiñ lane dih kyiad, lane bam ïa kano kano ka bymkhuid;