JINGKHEIÑ 5:3 - Khasi CL Bible (BSI)

³ Phah noh shabar ïa baroh kine ki briew bymkhuid kat kum ka jinglehniam, ba kumta kin ym pyntngit ïa ka jaka shong dara, ha kaba nga shong bad ki briew jong nga.”

KA BAIBL

³ bad shynrang bad kynthei phin ïa-pynmih noh, shabar kata ka jaka shong dara phin buh noh ïa ki keiñ; ba kin ym ïa-pyntngit sang ïa la ki dara, hapdeng kiba nga shong ma nga.”

JINGKHEIÑ 5:3 Mawu Ofanana

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 29:45

Te ngan shongduh hapdeng ki Israel bad ngan long U Blei jong ki.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

LEBITIKOS 14:8

Uta u briew pat un sait ïa la ki jaiñ, un khi lut ïa la u shñiuh, bad un sum un sleh; te un sa long uba khuid. U lah ban wan rung sha ka jaka shong dara, hynrei u dei ban shong shabar ka ïingjaiñ jong u hynñiew sngi lynter.

LEBITIKOS 15:31

U Trai u ong ïa u Moses ban maham ïa ki paid Israel shaphang ka jingbymkhuid jong ki, ïoh ba ki pyntngit ïa ka Ïingjaiñ ka Jingdon Ryngkat jong U, kaba don hapdeng ka jaka shong dara. Lada ki leh kumta, kin shah pynïap.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

JINGKHEIÑ 19:22

Kaei kaei baroh ba u briew u bymkhuid u ktah ka long ka bymkhuid, bad uno uno uwei pat uba ktah ïa kata u long u bymkhuid haduh janmiet.”

JINGKHEIÑ 35:34

Wat pynjakhlia ïa ka ri ha kaba phi shong phi sah, namar nga long U Trai bad nga shong hapdeng ki paid Israel.”

JINGKHEIÑ 5:4

Ki Israel ki la kohnguh bad ki la beh noh ïa ki baroh na ka jaka shong dara.

DEUTERONOMI 23:14

Sumar khuid ïa ka jaka shong dara jong phi, namar U Trai U Blei jong phi u don ryngkat bad phi hangta ban ïada ïa phi bad ai ha phi ka jingjop ïa ki nongshun jong phi. Wat leh ïa kano kano kaba khlem akor kaba lah ban pynlong ïa U Trai ban phai noh na phi.

DEUTERONOMI 23:15

“Lada ki mraw kiba phet na la u kynrad ki wan wad jingïada na phi, wat phah pat ïa ki sha u kynrad jong ki.

2 THESSALONI 3:6

Ko parabangeit jong ngi, ngi hukum ïa phi ha ka kyrteng jong U Jisu Khrist uba U Trai jong ngi ban kiar noh na ki bangeit baroh kiba im ka jingim bajaipdeh bad ki bym bud ïa ki jingbthah kiba ngi ai ha ki.

TITOS 3:10

La kumno kumno to ai ïa ka jingmaham ar sien ïa u briew uba pynmih ki jingïapait, bad hadien kata to kiar noh na u.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.