JINGKHEIÑ 31:3 - Khasi CL Bible (BSI)

³ Kumta u Moses u ong ha u paidbah, “Khreh ban ïaleh thma, ba phi lah ban tur ïaleh ïa ki Midian bad pynshitom ïa ki namar kaei kaba ki la leh ïa U Trai.

KA BAIBL

³ U Moses te u la kren ha uta u paidbah, u da ong, “To kieng atiar ïa ki rangbah napdeng jong phi ïa ka ban ïaleh thma, te kin mih ïaleh pyrshah ïa ki Midian, ïa ka ban pynhiar kput halor kita ki Midian na ka bynta U Trai.

JINGKHEIÑ 31:3 Mawu Ofanana

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

2 SYIEM 10:30

U Trai u ong ha u Jehu, “Me la leh ha ki khun ki ksiew jong u Ahab ïa kaei kaei baroh kaba nga la kwah ïa me ban leh. Kumta nga kular ha me ba ki khun ki ksiew jong me, haduh kaba saw pateng bynriew, kin long ki syiem ka Israel.”

2 SYIEM 9:7

Me dei ban pynïap ïa u syiem uba long u kynrad jong me, uto keiñ u khun jong u Ahab khnang ba ngan ïoh pynshitom ïa ka Jesebel namar ba ka la pynïap ïa ki nongïathuhlypa jong nga bad ïa kiwei pat ki shakri jong nga.

NONGBISHAR 5:23

“Buh ka jingtim halor ka Meros,” ong u angel jong U Trai, “Ka jingtim, ka jingtim halor kito kiba sah hangta. Kim shym la wan ïarap ïa U Trai, Kim shym wan kum ki shipai ban ïaleh pyrshah na ka bynta jong u.”

NONGBISHAR 5:2

Ïaroh ïa U Trai! Ki Israel ki la kut jingmut ban ïaleh; U paidbah da kaba kmen u tyrwa mon sngewbha.

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

JINGKHEIÑ 25:11

“Namar kaei kaba u Phinehas u la leh, ngam bitar shuh ïa ki paid Israel. U kyntait ban shah ïa ka jingmane ïa uno uno u blei lait tang ïa nga, bad namar kata ngam shym la pynjot ïa ki wat haba nga la bitar.

EKSODOS 17:16

U ong ruh, “Rah shajrong ïa ka lama U Trai! U Trai un ïai ïaleh ïa ki Amalek junom!”

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JINGKHEIÑ 31:4

Na kawei kawei ka jait Israel phah shihajar ngut ki rangbah sha ka thma.”