JEREMAÏAH 8:6 - Khasi CL Bible (BSI)

⁶ Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

KA BAIBL

⁶ Nga la sngap bad nga la ïohsngew, hynrei, kim shym la kren kaba dei: ym don uba kylla na ka jingbymman jong u, da kaba ong, ‘Nga la leh aïu?’ Uwei uwei baroh u phai sha la ka lynti, kum u kulai uba tur ruma ha ka thma.

JEREMAÏAH 8:6 Mawu Ofanana

Ka Kitab U Job 10:2

Wat pynrem ïa nga, A Blei, Ïathuh ïa nga! Kaei ka jingmudui pyrshah ïa nga?

Ka Kitab U Job 34:31

Ko Job, hato me la phla ïa ki pop jong me ha U Blei bad kular ban nym leh pop shuh?

Ka Kitab U Job 34:32

Hato me la pan na U Blei ban pyn-i ha me ïa ki jingduna jong me, bad hato me la kohnguh ban ym leh pop shuh?

SALM 14:2

U Trai u jngoh na bneng ïa u khunbynriew ban ïohi lada dang don mano mano bastad, bad ba mane ïa U.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

JEREMAÏAH 23:25

Nga tip aïu kito ki nongïathuhlypa ki la ong, ki da kren lamler ha ka kyrteng jong nga bad kam ba nga la ai ha ki ïa ki khubor jong nga ha ki jingphohsniew jong ki.

JEREMAÏAH 3:5

Men ym ïai bitar; men ym khih bitar ïa nga shi junom.’ Ko Israel kata ka dei kaei kaba pha la ong, hynrei pha la leh ïa ka jingsniew kat kaba pha lah.”

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

ESEKIEL 18:28

U sngewthuh ïa kaei kaba u leh bad u sangeh ban leh pop, kumta un ym ïap da shisha, hynrei un ïai im.

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

HAGGAI 1:5

Hato phim ïohi ïa kaei kaba jia ha phi?

HAGGAI 1:7

Hato phim ïohi balei kane ka wan jia?

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.