JEREMAÏAH 51:54 - Khasi CL Bible (BSI)

⁵⁴ U Trai u ong, “To shahshkor ïa ka jingsawa ka jingïam ha Babilon, jong ka jingïam pangnud namar ka jingpynjot ha ka ri.

KA BAIBL

⁵⁴ “Ka jingsawa ka jinglynñiar na Babilon, bad ka jong ka jingpynjot bakhraw na ka ri ki Khaldi!

JEREMAÏAH 51:54 Mawu Ofanana

ISAÏAH 15:5

Ka dohnud jong nga ka kyang jam namar ka Moab! Ki briew ki la phet sha ki shnong jong ka Soar, bad sha ka Eglath Shelishiyah. Katto katne ki kiew ïa ka surok sha Luhith, ki da ïam haba ki leit; katto katne ki lait phet sha Horanaim, ki da ïam sngewsih jam.

ISAÏAH 25:5

kum ka jingtyrkhong ha ka ri baryngkhiang. Hynrei ma me, A Trai, me la pynsngap jar ïa ki nongshun jong ngi; Me la pynsngap jar ïa ki jingpyrta jong ki riewrunar, kum u lyoh uba pynpyngngad ha ka sngi bashit.

JEREMAÏAH 50:22

Ïa ka jingsawa jong ka thma la ïohsngew ha ka ri, bad ka don ka jingpynjot bakhraw.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 50:46

Haba ka Babilon ka kyllon, kan don ka jingsawa ka ban pynkhynñiuh ïa ka pyrthei baroh kawei, bad ïa ki jingïam pynkyndit yn ïohsngew da kiwei ki jaitbynriew.”

SEPHANAÏAH 1:10

“Ha kata ka sngi,” ong U Trai, “phin ïohsngew ïa ka jingsawa ka jingïam ha ka Khyrdop Dohkha ha Jerusalem. Phin ïohsngew ka jingud ha ka bynta bathymmai jong ka nongbah bad ka jingsawa bajam jong ka jingkhyllem ha ki lumrit.