JEREMAÏAH 50:16 - Khasi CL Bible (BSI)

¹⁶ Wat ai ba yn bet ïa ki symbai ha kata ka ri lane ai ba yn lum ïa ka jingmih. Man uwei pa uwei u nongwei uba shong hangta un sheptieng ïa ka kynhun shipai ba tur ïaleh bad ban leit phai ïing.”

KA BAIBL

¹⁶ To ot noh ïa u nongbet na Babilon, bad ïa uta uba bat ïa ka rashi ha ka aïom ot: namar ba sheptieng ïa ka waitlam babanbor kin phai uwei uwei baroh sha la ki briew, bad kin phet ïap noh uwei uwei baroh sha la ka jong ka ri.

JEREMAÏAH 50:16 Mawu Ofanana

ISAÏAH 13:14

“Ki nongwei kiba shong ha Babilon kin phet krad sha la ki jong ki ri, ki da sakma kum ki skei kiba lait phet na ki nongbeh mrad, kum ki langbrot khlem u nongsharai.

JEREMAÏAH 25:38

U Trai u la iehnoh ïa la ki briew kum u sing uba iehnoh ïa la ka krem. Ki jingshyrkhei ka thma bad ka jingbitar shla U Trai ki la pynkylla ïa ka ri sha ka ri shyiap.

JEREMAÏAH 46:16

Ki shipai jong phi ki jynthut bad ki kyllon; uwei u ong ïa uwei pat, ‘Pynkloi! Ïa ngin ïaleit sha ïing sha ki briew jong ngi bad ban ïohlait im na ka waitlam u nongshun!’

JEREMAÏAH 51:23

ban pynïap ïa ki nongaplangbrot bad ki kynhun langbrot jong ki, ban pynïap ïa ki nonglur bad ïa ki kulai jong ki, ban ïuhroit ïa ki nongsynshar bad ki rangbah synshar ba-halor.”

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.