JEREMAÏAH 48:36 - Khasi CL Bible (BSI)

³⁶ “Te ka dohnud jong nga ka ïam sngewsih na ka bynta ka Moab bad na ka bynta ki briew ka Kir Heres, kumba mano re ba tem ïa ka jingrwai ïapbriew ha ka tangmuri, namar baroh kiei kiei kiba dei ki jong ki kim don shuh.

KA BAIBL

³⁶ “Namar kata, ka dohnud jong nga ka sawa namar ka Moab kum ki jingput, bad ka dohnud jong nga ka sawa kum ki jingput namar ki rangbah Kir-heres: namar kata, ka jingkyrhai ba u la ïoh ka la duh noh.

JEREMAÏAH 48:36 Mawu Ofanana

2 SYIEM 3:25

bad pynjot ïa ki nongbah jong ki. Katba ki ïaid lyngba ïa ka lyngkha baseisoh, uwei pa uwei u Israel u ju kawang maw ha ka haduh ba la tap lin ïa baroh ki lyngkha; ki la pynsangeh ruh ïa ki umpohliew bad ki la pom ïa ki diengsoh. Ha kaba khatduh tang ka nongbah Kir Heres ka dang sah, bad ki nongkawang maw ki kerkut ïa ka bad ki tur ïaleh ïa ka.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 13:22

Ki briew kiba bha kin don ka spah ban ieh pateng ha ki ksiew jong ki, hynrei ka spah jong ki nongpop kan leit sha kiba hok.

PROBERB 18:11

Ki briew kiba riewspah, pynban, ki mutdur ba ka spah jong ki ka ïada ïa ki kum ki kynroh bajrong bakhlaiñ sawdong ïa ka nongbah.

ISAÏAH 15:5

Ka dohnud jong nga ka kyang jam namar ka Moab! Ki briew ki la phet sha ki shnong jong ka Soar, bad sha ka Eglath Shelishiyah. Katto katne ki kiew ïa ka surok sha Luhith, ki da ïam haba ki leit; katto katne ki lait phet sha Horanaim, ki da ïam sngewsih jam.

ISAÏAH 15:7

Ki briew ki leit sha shiliang jong ka Them ki dieng Jamynrei, da kaba pyrshang ban lait phet lem bad la ki jingdon jingem jong ki.

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

JEREMAÏAH 4:19

Ka jingpang! Ngam lah shah ïa ka jingpang! Ka dohnud jong nga! Ka dohnud jong nga ka kyndeh jur! Ngam lah ban sngap jar; nga ïohsngew ïa ki turoi bad ki jingpyrta jong ka thma.

JEREMAÏAH 48:31

Bad kumta ngan ïam na ka bynta uwei pa uwei ha Moab bad na ka bynta ki briew jong ka Kir Heres.