JEREMAÏAH 44:7 - Khasi CL Bible (BSI)

⁷ “Bad kumta ma nga, U Trai Badonbor Baroh, U Blei ki Israel, mynta nga kylli ba balei phi leh kum kata ka kam kaba sniew ïa lade. Hato phi kwah ban wallam ïa ka jingpynjot ha ki rangbah bad ki kynthei, ki khynnah bad ki khunlung, khnang ba yn ym don na ki briew jong phi ban dang sah?

KA BAIBL

⁷ Namar kata, mynta, kumne u ong U Trai, U Blei ki paid, U Blei ki Israel: “Namar balei phi leh ïa kane ka jingsniew bakhraw pyrshah ïa la ki mynsiem hi, kat ban ot noh keiñ na phi, napdeng jong ka Judah, ïa u shynrang bad ïa ka kynthei, ïa i khunlung bad iba dang buiñ, ban ym pynsah shuh ïano ïano ruh na phi;

JEREMAÏAH 44:7 Mawu Ofanana

PROBERB 1:18

hynrei ki briew kiba kum kita ki riam ïa lade hi, ka jingriam ka ban pynïap ïa ki hi.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

JEREMAÏAH 25:6

Ki ong ïa phi ban ym mane bad shakri ïa kiwei pat ki blei bad ban ym pynlong ïa U Trai ban bitar da kaba mane ïa ki bleithaw kiba phi la thaw. Lada phi la kohnguh ïa U Trai, te un ym pynshitom ïa phi.

JEREMAÏAH 25:7

Hynrei U Trai da lade hi u ong ba phi la kyntait ban shahshkor ïa u. Pynban, phi la pynbitar ïa u da ki bleithaw jong phi bad phi la wallam ïa ka jingpynshitom jong u ha phi hi.

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 3:24

Hynrei ka jingmane ïa u Baal, u blei ka jinglehrain, ka la pynlong ïa ngi ban duh ïa ki kynhun langbrot bad kynhun masi, ïa ki khun shynrang bad ki khun kynthei — kiei kiei baroh kiba ki kpa tymmen jong ngi ki la trei naduh ki por mynbarim.

JEREMAÏAH 38:17

Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 51:22

ban pynïap ïa ki shynrang bad ïa ki kynthei, ban pynïap ïa kiba la tymmen bad ïa kiba dang samla, ban pynïap ïa ki khynnah shynrang bad ki khynnah kynthei,

JEREMAÏAH 7:19

Hato nga long shisha ma nga uta uba ki pynmong? Em, ki ïa pynmong ïa lade hi bad ki wallam ka jinglehrain ha lade hi.

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

SNGEWSYNEI 2:22

Me la khot sngewbha ïa ki nongshun jong nga ban pynlong ka jinglehsngewbha ha ka jingshyrkhei baroh sawdong jong nga, bad ym don mano mano ba lah ban lait im ha kata ka sngi jong ka jingbitar jong me. Ki la pynïap ïa ki khun jong nga, kiba nga la pynsan bad ieit.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

HABAKKUK 2:10

Hynrei ki buit jong phi ki wanrah ka jinglehrain ha la ka longïing; da kaba pynjot ïa ki jaitbynriew babun phi la wallam tang ka jingjot ha lade.

JINGKHEIÑ 16:38

Ki kylla long kiba khuid haba la wanrah ïa ki ha ka duwan U Trai. Kumta, shim ïa ki khiew buh ding jong kita ki briew kiba la shah pynïap namar ki pop jong ki, shoh pynstang ïa ki ban shna jingtap ïa ka duwan. Kan long ka jingmaham ïa ki Israel.”

DEUTERONOMI 32:25

Ka thma kan wallam ka jingïap ha ki lynti, ka jingshyrkhei kan lynshop ha ki ïing. Ki rangsamla bad ki theisamla kin ïap; yn ym map ïa ki khunlung ne ïa ki tymmen ruh.

JOSHUA 6:21

Da ki waitlam jong ki, ki pynïap ïa uwei pa uwei hapoh ka nongbah, ki rangbah bad ki kynthei, ki samla bad ki tymmen. Ki la pynïap lut ruh ïa ki jingri, ki langbrot, bad ki kada.

NONGBISHAR 21:11

Pynïap ïa baroh ki shynrang, bad ïa kawei pa kawei ka kynthei ka bym dei shuh ka theisotti.”

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 22:19

U Saul u la phah pynïap ïa baroh kiwei pat ki nongshong shnong ha Nob, ka nongbah jong ki lyngdoh: ki shynrang bad ki kynthei, ki khynnah bad ki khunlung, ki masi, ki kada, bad ki langbrot — ki la shah pynïap lut khoit.