JEREMAÏAH 44:6 - Khasi CL Bible (BSI)

⁶ Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

KA BAIBL

⁶ Namar kata, ïa ka jingkhih bitar jong nga bad ïa ka jingbitar jong nga la theh noh, bad la pynmeh ha ki shnong ka Judah bad ha ki lynti shnong ka Jerusalem; bad ki la jot bad ki la kynjah, kumba ka long ha kane ka sngi keiñ.’ ”

JEREMAÏAH 44:6 Mawu Ofanana

ISAÏAH 1:7

Ïa ka ri jong phi la pynjot thiaw, ïa ki nongbah la thang duh da ka ding. Katba phi dang khmih, ki nongwei ki kurup ïa ka ri jong phi bad ki pynpra ïa kiei kiei baroh.

ISAÏAH 51:17

Ko Jerusalem, to khie noh! Khie joit ïa lade bad ïeng! Pha la dih ïa ka khuri ka jingpynshitom kaba U Trai ha ka jingbitar jong u, u la ai ba phan dih; pha dih lut ïa ka, bad ka la pynlong ïa pha ban ïaid sheng sheng.

ISAÏAH 51:20

Ha ki khongdong ha man ki surok bah ki briew jong pha ki kyllon noh na ka jingtlot; ki long kum ka skei kaba la ngat ha ka jar jong u nongbeh mrad. Ki la mad ïa ka bor jong ka jingbitar U Blei.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 7:17

Hato mem ïohi aïu ki leh hapoh ki nongbah jong ka Judah bad ha ki lynti jong ka Jerusalem?

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

SNGEWSYNEI 1:13

“U la phah ïa ka ding nalor, ka ding kaba thang hapoh jong nga. U la buh ka jingriam na ka bynta jong nga bad u la wanrah ïa nga sha khyndew. Nangta u la iehnoh ïa nga bad ieh ïa nga ha ka jingpang baneh.

SNGEWSYNEI 5:18

namar u lum Seïon u long kynjah bad u la shah iehnoh, bad ki myrsiang khlaw ki shang kylleng lyngba ki jingpra jong u.

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

ESEKIEL 20:34

Ngan pyn-i ha phi ïa ka bor jong nga bad ïa ka jingbitar jong nga haba nga lumlang ïa phi bad wallam pat ïa phi na ki ri baroh sha kiba la pynsakma ïa phi.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

ESEKIEL 24:8

Nga la pynsah ïa ka snam hangta, ïa kaba ym lah ban buhrieh, kaba dawa ïa ka jingpynhiarkput kaba jur.”

ESEKIEL 5:13

“Phan sa sngew ïa ka jingshyrkhei ka jingbitar bad ka jingbitar shla jong nga haduh ba ngan da sngewhun. Haba kane baroh ka jia, phan sa sngewthuh ba ma nga, U Trai, nga la kren ïa pha namar nga la bitar shla ïa ka jingbymïaineh jong pha.

ESEKIEL 6:12

Kito kiba sha jngai bah kin ïohpang bad ïap noh; kito kiba hajan kin ïap ha ka thma; kito kiba lait im kin ïapthngan. Kin sngew ïa ka jingbitar jong nga kaba nga la pynmih lut.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

NAHUM 1:2

U Trai U Blei um lah shah ïa kino kino ki nongïaleh pyrshah; u pynshitom ïa kito kiba ïeng pyrshah ïa u. Ha ka jingbitar jong u, u siew kylliang ïa ki.

SEKHARAÏAH 1:2

U Trai Badonbor Baroh u la bthah ïa u Sekharaïah ban ong ha ki briew, “Ma nga, U Trai, nga la bitar shikatdei ïa ki kpa tymmen jong phi,

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

SEKHARAÏAH 7:14

Kum ka 'erïong nga la sar noh ïa ki ban shong ban sah ha ki ri nongwei. Ïa kane ka ri babha la iehnoh kynjah ïa ka, khlem don mano mano bashong ba sah hangta.”