JEREMAÏAH 44:2 - Khasi CL Bible (BSI)

^2-3 U Trai Badonbor Baroh, U Blei ki Israel, u ong, “Phi hi da lade phi la ïohi ïa ka jingpynjot kaba nga la wanrah ha Jerusalem bad ha baroh kiwei ki nongbah ka Judah. Wat mynta ki dang sah ha ki jingjot, bad ym don ba sah ha ki namar ki briew jong ki, ki la leh ïa kaba sniew bad ki la pynlong ïa nga ban bitar. Ki ai jingkñia ha kiwei pat ki blei bad shakri ïa ki blei kiba ma ki ne ma phi ne ki kpa tymmen jong phi kim ju mane.

KA BAIBL

² “Kumne u ong U Trai ki paid, U Blei ki Israel: ‘Phi la ïohi ïa ki jingsniew baroh kiba nga la wallam halor ka Jerusalem, bad halor ki shnong Judah baroh; bad ha khmih, ha kane ka sngi ki long ka jaka kynjah, bad ym don briew ba shong ha ki;

JEREMAÏAH 44:2 Mawu Ofanana

2 SYIEM 21:13

Ngan pynshitom ïa ka Jerusalem kumba nga la leh ïa ka Samaria, kumba nga la leh ïa u Ahab u syiem ka Israel bad ïa ki khun ki ksiew jong u. Ngan pynkhuid phar ïa ka Jerusalem na ki briew jong ka kumba khuid ka pliang ba la ñiad bad pyndem pyllup ïa ka.

EKSODOS 19:4

“Phi la ïohi aïu ma nga, U Trai nga la leh ïa ki nong Ijipt bad kumno ba nga la kit ïa phi kum ka pukni kaba kit ïa la ki khun ha ki thapniang jong ka, bad nga la wan ïalam ïa phi sha nga ha kane ka jaka.

ISAÏAH 24:12

Ka nongbah ka long hapdeng ka jingjot, bad ïa ki khyrdop jong ka la pyntwa noh.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 44:23

Kane ka jingjot mynta ka la wan ha phi namar ba phi ai jingkñia sha kiwei ki blei bad leh pop pyrshah ïa U Trai da ka jingbymkohnguh ïa ki hukum jong u baroh.”

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 5:18

namar u lum Seïon u long kynjah bad u la shah iehnoh, bad ki myrsiang khlaw ki shang kylleng lyngba ki jingpra jong u.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

LEBITIKOS 26:43

Nyngkong, la kumno kumno, ka ri ka dei ban lait na ki briew jong ka, ba kumta kan ïoh lehkmen ha ka jingshongthait kaba pura, bad ki dei ban shah pynshitom ha ban da biang namar ba ki la kyntait ïa ki aiñ bad ki hukum jong nga.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

DEUTERONOMI 29:2

U Moses u khot lang ïa ki Israel baroh, bad u ong ha ki, “Phi la ïohi da lade hi aïu U Trai u la leh ïa u Pharaoh ha Ijipt, ïa ki rangbah synshar jong u, bad ïa ka ri jong u baroh kawei.

JOSHUA 23:3

Phi la ïohi ïa baroh kaba U Trai U Blei jong phi u la leh ha kine ki jaitbynriew baroh na ka bynta jong phi. U Trai U Blei jong phi u la ïaleh na ka bynta jong phi.