JEREMAÏAH 44:1 - Khasi CL Bible (BSI)

¹ U Trai u la kren ha nga shaphang ki Israel baroh kiba shong ha Ijipt, ha ki nongbah Migdol, Tahpanhes, bad Memphis, bad ki bynta bashathie jong ka ri.

KA BAIBL

¹ Ka ktien kaba la wan ha u Jeremaïah shaphang kita ki Jiw baroh kiba shong ha ka ri Ijipt, kiba la shong ha Migdol, bad ha Tahpanhes, bad ha Noph, bad ha ka ri Pathros de, ka da ong,

JEREMAÏAH 44:1 Mawu Ofanana

JENESIS 10:14

ka Pathrus, ka Kasluh bad ka Krit na kiba la hiarpateng ki Philistia.

EKSODOS 14:2

“Ong ïa ki Israel ban phai dien bad ban sher dara ha khmat ka Pi Hahiroth, hapdeng ka Migdol bad ka Duriaw Basaw, hajan ka Baal Sephon.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 19:13

Ki nongïalam jong ka Soan bad jong ka Memphis ki dei ki bieit. La khmih lynti ïa ki ban ïalam ïa ka ri, hynrei ki la ïalam bakla ïa ka.

JEREMAÏAH 2:16

Ho-oid ki rangbah jong ka Memphis bad ka Tahpanhes ki la pynpait ïa ka shynrong khlieh jong u.

JEREMAÏAH 24:8

“Te ïa u Sedekaïah u syiem ka Judah, ïa ki nongsaiñ hima sawdong jong u, ïa kiba sah na ki briew ka Jerusalem kiba dang sah ha kane ka ri, ne kynriah sha ri Ijipt — ma nga, U Trai ngan leh ïa ki baroh kum ïa kine ki soh Dumbur kiba da sniew shisha ki bym long bam shuh.

JEREMAÏAH 43:13

Un pynjot ïa ki maw jingteinam bakyntang ha Heliopolis kaba ha Ijipt bad un thang ïa ki templ jong ki blei ki nong Ijipt.”

JEREMAÏAH 44:15

Nangta ki rangbah baroh kiba tip ba ki tnga jong ki, ki ai jingkñia ha kiwei pat ki blei, bad ki kynthei baroh kiba ïeng hangta, kaba kynthup ïa ki Israel kiba shong ha ki bynta bashathie ka Ijipt — u paidbah babun baroh — ki ong ha nga,

JEREMAÏAH 46:14

“Pynbna ïa ka ha ki shnong jong ka Ijipt, ha Migdol, Memphis, bad Tahpanhes: ‘To pynkhreh ban ïada ïa lade; ïa kiei kiei kiba phi don yn pynjot ha ka thma!

JEREMAÏAH 46:19

To pynkhreh ban shah kem koidi, phi ki briew ka Ijipt! Ïa ka Memphis yn sa pynlong ka ri shyiap, ka jingjot ha kaba yn ym don ban shong ban sah.

ESEKIEL 29:10

nga long u nongshun jong me bad u nongshun jong ka wah Nile jong me. Ngan pynlong ïa ka Ijipt baroh kawei kaba suda khlem jingmyntoi, naduh ka nongbah Migdol ha ka phang bashatei haduh ka nongbah Aswan ha ka phang bashathie, baroh shi lynter haduh u pud ki Sudan.

ESEKIEL 29:14

bad ngan shah ïa ki ban im ha ka bynta bashathie ka Ijipt, ka shnong trai jong ki. Hangta kin long ka hima kaba tlot bor,

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

ESEKIEL 30:14

Ngan pynlong ïa ka Ijipt bashathie ban sah kynjah bad ngan tbeh ding ïa ka nongbah Soan ha ka phang shatei. Ngan pynshitom ïa ka nongbah Thebes.

ESEKIEL 30:16

Ngan tbeh ding ïa ka Ijipt, bad ka Pelusium kan don ha ka jingkordit. Ki kynroh jong ka Thebes kin pra, bad ka nongbah kan shlei da ka um.

ESEKIEL 30:18

Ka jingdum kan tap ïa ka Tahpanhes haba ngan pynkheiñ ïa ka bor jong ka Ijipt bad ngan pynkut ïa ka jingkhlaiñ kaba ki sngewsarong palat. U lyoh un kah ïa ka Ijipt, bad ki briew jong ki nongbah jong ka baroh kin shah ïalam kum ki koidi.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.