JEREMAÏAH 43:13 - Khasi CL Bible (BSI)

¹³ Un pynjot ïa ki maw jingteinam bakyntang ha Heliopolis kaba ha Ijipt bad un thang ïa ki templ jong ki blei ki nong Ijipt.”

KA BAIBL

¹³ Un pyntwa ruh ïa ki païa jong ka Beth-shemesh, kaba don ha ka ri Ijipt; bad ïa ki ïing jong ki blei ka Ijipt un thang da ka ding.” ’ ”

JEREMAÏAH 43:13 Mawu Ofanana

JENESIS 41:45

U la ai kyrteng nong Ijipt ïa u Joseph da ka kyrteng Saphenath Paneah, bad u la ai ha u ka tnga, ka Asenath, ka khun jong u Potiphera, u lyngdoh ha ka nongbah Heliopolis.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 19:18

Haba kata ka por ka wan, ïa ka ktien Hebru yn kren ha ki san tylli ki nongbah jong ka Ijipt. Ki briew hangta kin shim jingsmai ha ka kyrteng jong U Trai Badonbor Baroh. Ïa kawei na ki nongbah yn khot, “Ka Nongbah jong ka Sngi.”

ISAÏAH 46:2

Ki bleithaw kim lah ban pynim ïa lade; ïa ki la kurup bad la rah noh bak. Kane ka dei kaba kut jong ki blei ka Babilon!

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

JEREMAÏAH 25:19

Kane ka long ka thup kyrteng jong baroh kiwei pat kiba hap ban dih na ka khuri: u syiem ka Ijipt, ki rangbah synshar jong u, bad ki nongïalam; baroh ki nong Ijipt bad baroh ki nongwei ha Ijipt; baroh ki syiem jong ka ri Us; baroh ki syiem jong ki nongbah ki Philistia, ka Ashkelon, ka Gasa, ka Ekron, bad kaba sah na ka Ashdod; baroh ki briew jong ka Edom, Moab, bad Ammon; baroh ki syiem ka Tyros bad ka Sidon; baroh ki syiem jong ki ri ka rud duriaw Mediterranian; ki nongbah ka Dedan, ka Tema, bad ka Bus; baroh ki briew kiba ot lyngkot ïa u shñiuh jong ki; baroh ki syiem Arabia; baroh ki syiem jong ki jaitbynriew kiba shong ha ri shyiap; baroh ki syiem Simri, Elam bad ki syiem Media; baroh ki syiem kiba shaphang shatei, kiba jan bad kiba jngai, uwei hadien uwei pat. Kawei pa kawei ka jaitbynriew ha sla pyrthei ka dei ban dih na ka. Khatduh eh, u syiem ka Babilonia un dih na ka.

JEREMAÏAH 43:12

Ngan tbeh ïa ka ding ha ki templ jong ki blei ki Ijipt, bad u syiem ka Babilonia un thang ïa ki bleithaw jong ki ne ïalam noh ïa ki. Katba ki nongap langbrot ki dang jied ïa ki jaiñ jong ki kiba lait na ki jynreiñ, te u syiem ka Babilonia un jied pynkhuid ïa ka ri Ijipt bad nangta ki mih da ka jingjop.

JEREMAÏAH 44:1

U Trai u la kren ha nga shaphang ki Israel baroh kiba shong ha Ijipt, ha ki nongbah Migdol, Tahpanhes, bad Memphis, bad ki bynta bashathie jong ka ri.

JEREMAÏAH 46:25

U Trai Badonbor Baroh, U Blei ki Israel, u ong, “Ngan pynshitom ïa u Amon, u blei jong ki Thebes, ryngkat lang bad ka Ijipt bad ki blei bad ki syiem jong ka. Ngan shim noh ïa u syiem ka Ijipt bad ïa baroh kiba buh ïa ka jingshaniah ha u,

ESEKIEL 26:11

Ki nongshong kulai kin tur lyngba ki lynti bah jong pha, da kaba pynïap ïa ki briew da ki waitlam jong ki. Ki rishot bakhraw jong pha kin hap ha khyndew.

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

ESEKIEL 30:17

Ki samla shynrang jong ki nongbah ka Heliopolis bad Bubastis kin ïap ha ka thma, bad kiwei ki briew kin shah rah kum ki koidi.

DANIEL 11:8

Un rah pat sha Ijipt ïa ki dur jong ki blei jong ki bad ïa ki tiar ksiar bad rupa kiba la pynkyntang sha kito ki blei. Hadien bun bun snem ka jingsuk