JEREMAÏAH 42:22 - Khasi CL Bible (BSI)

²² Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

KA BAIBL

²² Namar kata, mynta to tip da shisha, ba phin ïap da ka waitlam, da ka 'nemsniew, bad da ka jingïapkhlam, ha ka jaka ba phi kwah ban leit ban shong hangta.

JEREMAÏAH 42:22 Mawu Ofanana

ISAÏAH 30:3

Hynrei u syiem un long khlem bor ban ïarap ïa ki, bad ka jingïada ka Ijipt kan kut ha ka jingjot.

JEREMAÏAH 24:10

Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

JEREMAÏAH 42:17

Ki briew baroh kiba kut jingmut ban leit bad sah ha Ijipt kin ïap na ka thma ne na ka jingïapthngan ne na ka jingpang. Yn ym don uwei ruh na ki u ban lait im, yn ym don ban lait phet na ka jingjot ïa kaba ngan wallam ha ki.’

JEREMAÏAH 43:11

U Nebukhadnessar un wan bad jop ïa ka Ijipt. Kito ki briew kiba la dei ban ïap na ka jingpang kin ïap ha ka jingpang, kito kiba dei ba yn ïalam kum ki koidi yn ïalam ïa ki kum ki koidi, bad kito kiba la dei ban sha pynïap ha ka thma kin ïap ha ka thma.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

ESEKIEL 33:27

“Ïathuh ha ki ba ma nga, U Trai Nongsynshar, nga maham ïa ki ba da shisha nga long U Blei uba im, ki briew kiba shong basah ha ki nongbah ba la pynjot kin shah pynïap. Kito kiba shong ha ka ri kin shah bam da ki mradkhlaw. Kito kiba rieh ha ki lumbah bad ki krem kin ïap da ka jingpang.

ESEKIEL 6:11

U Trai Nongsynshar u la ong, “Khyrwait ïa la ki kti! kyrdem ïa la ki kjat! kyang da ka jingsngewsih namar ki jingsniew baroh, kiei kiei kiba ijli kiba ki Israel ki la leh. Kin ïap ha ka thma, da ka 'nemsniew bad da ka jingpang.

ESEKIEL 6:12

Kito kiba sha jngai bah kin ïohpang bad ïap noh; kito kiba hajan kin ïap ha ka thma; kito kiba lait im kin ïapthngan. Kin sngew ïa ka jingbitar jong nga kaba nga la pynmih lut.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.