JEREMAÏAH 42:1 - Khasi CL Bible (BSI)

^1-2 Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

KA BAIBL

¹ Te baroh ki kaptan ki paidïapom bad u Johanan u khun u Kariah, bad u Jesaniah u khun u Hoshaïah, bad u paidbah baroh ki la wan hajan, naduh u barit tam haduh u bakhraw tam,

JEREMAÏAH 42:1 Mawu Ofanana

2 SYIEM 25:23

Haba ki rangbah synshar ka Judia bad ki shipai ki bym shym la pyndem wait ki ïohsngew shaphang kane ki wan ïasoh bad u Gedalaïah ha Mispah. Kine ki rangbah pynïaidkam ki long u Nethanaïah, u Johanan u khun jong u Kareah, u Seraïah u khun jong u Jesanaïah na Maakah.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

JEREMAÏAH 37:3

U syiem Sedekaïah u la phah ïa u Jehukal u khun jong u Shelemaïah bad u Sephanaïah u lyngdoh u khun jong u Maaseïah ban ong ïa nga ban duwai ha U Trai U Blei jong ngi na ka bynta ka jaitbynriew jong ngi.

JEREMAÏAH 40:13

Hadien kane, u Johanan bad ki nongïalam jong ki shipai ki bym shym la pyndem ki la wan ha u Gedalaïah ha Mispah bad ki la ong ha u,

JEREMAÏAH 40:8

Kumta u Ishmael u khun jong u Nethanaïah, u Johanan u khun jong u Kareah, u Seraïah u khun jong u Tanhumeth, ki khun shynrang jong u Ephai na Netophah, bad u Jesanaïah na Maakah ki la leit bad la ki rangbah sha u Gedalaïah ha Mispah.

JEREMAÏAH 41:11

U Johanan bad baroh ki nongïalam ka kynhun shipai kiba don bad u ki la ïohsngew ïa ka kam runar kaba u Ishmael u la leh.

JEREMAÏAH 41:16

Nangta u Johanan lem bad ki nongïalam jong ki shipai u la shimti ïa ki briew kiba u Ishmael u la ïalam noh kum ki koidi na Mispah hadien ba u la pynïap ïa u Gedalaïah — ki shipai, ki kynthei, ki khynnah, bad ki ïunukh.

JEREMAÏAH 43:2

Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

ESEKIEL 11:1

U Mynsiem jong U Blei u la rah ïa nga shajrong bad u la ïalam ïa nga sha ka khyrdop mihngi jong ka Templ. Hangta hajan jong ka khyrdop nga la ïohi arphew san ngut ki rangbah kynthup ïa u Jaasanaïah u khun jong u Assur bad u Pelataïah u khun jong u Benaïah, ki ar ngut ki nongïalam jong ka jaitbynriew.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

ESEKIEL 8:11

Hynñiewphew ngut ki nongïalam Israel ki don hangta, kynthup ïa u Jaasanaïah u khun jong u Shaphan. Uwei pa uwei u bat ïa u khiew thang jingiwbih, bad ka tdem ka dang kiew na ka jingiwbih.

MATHAÏOS 15:8

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

KI KAM 8:10

U la kam ba u long uba khraw, bad uwei uwei baroh ha ka nongbah, na ki kyrdan baroh ha ka imlang ka sahlang, ki pynshahshkor kmang ïa u. “Une u briew u long kata ka bor jong U Blei ïa kaba la khot ‘Ka Borbah’,” ki la ong.