JEREMAÏAH 34:8 - Khasi CL Bible (BSI)

^8-9 U syiem Sedekaïah bad ki briew ka Jerusalem ki la pynlong ka jingïakut ban pyllaitluid noh ïa ki mraw Hebru, ïa ki shynrang bad ki kynthei, khnang ba uno uno ruh un ym don u para jait Israel kum u mraw.

KA BAIBL

⁸ Ka ktien kaba la wan ha u Jeremaïah na U Trai, hadien kaba u syiem Sedekaïah u la thaw ka jutang bad ki briew baroh kiba ha Jerusalem, ban pynbna ïa ka jingpyllait ha ki;

JEREMAÏAH 34:8 Mawu Ofanana

2 SYIEM 11:17

U Jehoïada u lyngdoh, u pynlong ïa u syiem Joash bad ïa ki paidbah ban rung sha ka jingïateh jutang bad U Trai ba kin long ki briew jong U Trai; u pynlong ruh ïa ka jingïateh jutang hapdeng u syiem bad ki paidbah.

2 KHRONIKL 23:16

U Jehoïada u lyngdoh u pynlong ïa u syiem Joash bad ïa ki paidbah ban ïasnohkti lang bad u ha kaba pynlong ka jutang ba kin long ki briew jong U Trai.

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

NEHEMAÏAH 9:38

Namar baroh kata kaba la jia, ma ngi, ki Israel, hangne ngi pynlong ka jingïakut bakyntang da ka jingthoh, bad ki nongïalam jong ngi, ki Lebi jong ngi, bad ki lyngdoh jong ngi ki buh ïa ki jingshon muhor ha ka.

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

LEBITIKOS 25:10

Bad to pynkyntang khuid ïa ka snem kaba sanphew bad pynbna ïa ka jinglaitluid ha ki traishnong baroh jong kata ka ri. Ha kane ka snem, ïa ki jingdon jingem baroh ba la dep die dei ban pynphai pat sha u trai jong ka, lane sha ki khun ki ksiew jong u, bad uno uno u briew uba la shah die mraw un leit phai pat sha la ïing.

DEUTERONOMI 15:12

“Lada u para Israel, shynrang lane kynthei, ki die mraw ïa lade ha phi, phi dei ban pyllait ïa ki hadien ba ki la shakri ïa phi hynriew snem. Ha ka snem kaba hynñiew phi dei ban pyllait ïa ki.