JEREMAÏAH 34:5 - Khasi CL Bible (BSI)

⁵ Men ïap ha kaba suk, bad kumba ki briew ki thang jingiwbih haba ki tep ïa ki kpa tymmen jong me, kiba long ki syiem ha shuwa jong me, ha kajuh ka rukom kin thang ki jingiwbih na ka bynta jong me. Kin ïambriew namar jong me bad kin ong, ‘U syiem jong ngi u la ïap!’ Ma nga, U Trai, nga la kren.”

KA BAIBL

⁵ men ïap ha kaba suk; bad da ki jingthang ki kpa jong me, ki syiem kiba la mynshuwa jong me, kumta kin pynlong ka jingthang ïa me ruh; bad kin ïaïambriew ïa me, da kaba ong, “A kynrad!” namar nga la kren ïa ka ktien,’ ” ong U Trai.

JEREMAÏAH 34:5 Mawu Ofanana

2 SYIEM 22:20

bad ïa ka jingpynshitom kaba ngan wallam ha Jerusalem kan nym wan haduh hadien ka jingïap jong phi. Ngan shah ïa phi ban ïap ha kaba suk.” Ki rangbah ki leit phai pat sha u syiem Josaïah bad kane ka khubor.

2 KHRONIKL 16:14

bad la tep ha ka jingtep mawsiang ïa kaba u la shna na ka bynta ïa lade ha ka nongbah u Dabid. Ki la pyndonkam ki musla bad ki umphniang iwbih ban pynkhreh ïa ka met jong u na ka bynta ka jingontep, bad ki la tei ïa ka ding kaba khraw ban leh sngewsih ïa ka jingïap jong u.

2 KHRONIKL 34:28

Nga la ïohsngew ïa ka jingduwai jong me, bad ïa ka jingpynshitom kaba ngan wanrah ha Jerusalem kan ym wan tad hadien ka jingïap jong me. Ngan ai ba men ïap ha ka jingsuk.” Ki rangbah ki leit phai pat sha u syiem Josaïah ryngkat bad kane ka khubor.

JEREMAÏAH 22:18

Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

JEREMAÏAH 34:4

Ko Sedekaïah, shahshkor ïa kaei kaba nga ong shaphang jong me. Men ym shah pynïap ha ka thma.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

ESEKIEL 17:16

“Kumba da shisha nga long U Blei uba im,” U Trai Nongsynshar u la ong, “une u syiem un ïap ha Babilonia namar u la pynkheiñ ïa la ka jingsmai bad ka jingïateh lok bad u syiem ka Babilonia, uba la buh ïa u halor ka khet.

DANIEL 2:46

U syiem Nebukhadnessar u la dem khrup ha khyndew bad u la ai hukum na ka bynta ki jingkñia bad ki jingainguh kiba dei ban ai ïa u Daniel.

1 SAMUEL 31:12

baroh ki riewshlur ki leit bad ki ïaid baroh shi miet sha Beth Shan. Ki shim noh ïa ki met jong u Saul bad jong ki khun shynrang jong u na kata ka kynroh, ki wallam pat ïa ki sha Jabesh, bad ki thang ïa ki hangta.