JEREMAÏAH 34:10 - Khasi CL Bible (BSI)

¹⁰ Baroh ki briew bad ki nongïalam jong ki, ki la ïamynjur ban pyllaitluid noh ïa la ki mraw bad ban ym pynlong mraw shuh ïa ki.

KA BAIBL

¹⁰ bad baroh kita ki rangbah bad kita ki briew baroh ki la kohnguh, kiba la ïateh ka jutang, ba u briew baroh un pyllait noh ïa la u mraw, bad u briew baroh ïa la ka mraw, ban ym don u ban pynshakri shuh ïa ki ha lade; ki la kohnguh bad ki la pyllait ïa ki:

JEREMAÏAH 34:10 Mawu Ofanana

EKSODOS 21:2

Lada phi thied ïa u mraw Hebru, u dei ban shakri ïa phi hynriew snem. Ha ka snem kaba hynñiew, u dei ban ïoh laitluid khlem da hap siew ei ei.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

JEREMAÏAH 26:10

Haba ki nongïalam jong ka Judah ki la ïohsngew ïa kaei kaba lah jia, ki la wan kloi na ka ïingsyiem sha ka Templ bad ki la shong ha ka Khyrdop Bathymmai.

JEREMAÏAH 26:16

Nangta ki nongïalam bad ki paidbah ki ong ha ki lyngdoh bad ki nongïathuhlypa, “Une u briew u la kren ha ngi ha ka kyrteng jong U Trai U Blei jong ngi; um dei ban shah pynïap.”

JEREMAÏAH 34:11

Ki la pyllaitluid shisha ïa ki, hynrei hadien ki la kylla jingmut, ki la shim pat ïa ki, bad ki la pynbor ïa ki ban long mraw biang.

JEREMAÏAH 36:12

Te u la leit sha ka ïingsyiem, sha ka kamra u sekretari ka ïingbishar, ha kaba baroh ki rangbah synshar ki dang don ha ka jingïalang. U Elishama, u sekretari ka ïingbishar, u Delaïah u khun jong u Shemaïah, u Elnathan u khun jong u Akhbor, u Gemaraïah u khun jong u Shaphan, u Sedekaïah u khun jong u Hananaïah, bad baroh kiwei pat ki rangbah synshar ki la don hangta.

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

LEBITIKOS 25:10

Bad to pynkyntang khuid ïa ka snem kaba sanphew bad pynbna ïa ka jinglaitluid ha ki traishnong baroh jong kata ka ri. Ha kane ka snem, ïa ki jingdon jingem baroh ba la dep die dei ban pynphai pat sha u trai jong ka, lane sha ki khun ki ksiew jong u, bad uno uno u briew uba la shah die mraw un leit phai pat sha la ïing.

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.