JEREMAÏAH 33:9 - Khasi CL Bible (BSI)

⁹ Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

KA BAIBL

⁹ Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

JEREMAÏAH 33:9 Mawu Ofanana

2 KHRONIKL 20:29

Kawei pa kawei ka hima kaba la ïohsngew kumno U Trai u la jop ïa ki nongshun jong ki Israel, ka la sheptieng haduh katta katta.

NEHEMAÏAH 6:16

Haba ki nongshun jong ngi kiba don ha ki jaitbynriew sawdong jong ngi ki ïohsngew ïa kane, ki la sngewthuh ba ki la poi ha ka jinglehrain, namar baroh ki tip ba ïa ka jingtrei la pyndep da ka jingïarap U Blei.

ESTHER 8:17

Ha kawei pa kawei ka nongbah bad probins, hangno hangno ba la pule ïa ka jingpynbna u syiem, ki Jiw ki pynlong ki shuti lehkmen ryngkat bad ki jingkhawai sngewbha bad jingkmen. Ha ka jingshisha, bun kiwei ki briew ki la kylla Jiw, namar mynta ki la sheptieng ïa ki.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 40:3

U hikai ïa nga ban rwai ïa ka jingrwai bathymmai, ka jingrwai ïaroh ïa U Blei jong ngi. Kiba bun kiba ïohi ïa kane kin ïoh jingmaham, bad kin buh ïa la ka jingshaniah ha U Trai.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

ISAÏAH 55:13

Ki dieng Kseh-Sypress kin san ha ka jaka kaba mynta ki don ki dieng shynraiñ; ki dieng Martl kin mih ha ka jaka ki shiah. Kane kan long ka dak ka ban neh junom, ka jingpynkynmaw ïa kaei kaba ma nga, U Trai, nga la leh.”

ISAÏAH 60:5

Phin sa ïohi ïa kane bad yn pyndap da ka jingkmen. Phin khynñiuh da ka jingsngewkmen. Ki spah jong ki jaitbynriew yn wallam sha pha; na shiliang ka duriaw ki spah jong ki kin wan.

ISAÏAH 62:1

Ngan kren jam ban pynshlur ïa ka Jerusalem; ngan ym sngap jar haduh ba yn pynim ïa ka, bad ka jingjop jong ka kan tyngshaiñ kum ka jingshai ha ka por mynmiet.

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

ISAÏAH 62:7

Kim dei ban ai shongthait ïa u tad ynda u dep tei pat ïa ka Jerusalem, bad pynlong ïa ka, ka nongbah ha kaba ka pyrthei baroh kawei ka ïaroh.

ISAÏAH 64:2

Kin khynñiuh kum ka um ba dang shet halor ka ding kaba khluit. Ale bad pynpaw ïa ka bor jong me ha ki nongshun jong me, bad pynlong ïa ki jaitbynriew ban khynñiuh ha khmat jong me!

JEREMAÏAH 13:11

Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 29:1

Nga la thoh ka shithi sha ki lyngdoh, ki nongïathuhlypa, ki nongïalam jong ki paidbah bad sha baroh kiwei pat kiba u Nebukhadnessar u la rah kum ki koidi na Jerusalem sha Babilonia.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 31:14

Ngan pyndap ïa ki lyngdoh da ki jingbam kiba bang eh bad pynhun ïa baroh ki jingdonkam jong ki briew jong nga. Ma nga, U Trai, nga la kren.”

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 32:42

“Kumba nga la wallam ïa kane ka jingjot ha kine ki briew, kumta ruh ngan ai ïa ki baroh kiei kiei kiba bha kiba nga la kular.

JEREMAÏAH 33:14

U Trai u la ong, “Ka por kan poi haba ngan pyndep ïa ka kular kaba nga la pynlong bad ki paid Israel bad Judah.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 49:25

Ka nongbah bapawnam kaba ju dap tang da ka jingsngewbha kan shah iehnoh ïingjah.

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

ESEKIEL 39:13

Uwei pa uwei ha ka ri un ïarap lang ha kaba tep ïa ki, bad ïa ki yn ai burom na ka bynta kane, ha ka sngi jong ka jingjop thiaw jong nga. Ma nga, U Trai Nongsynshar, nga la kren.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

SEKHARAÏAH 1:17

U angel u la bthah ruh ïa nga ban pynbna: “U Trai Badonbor Baroh u ong ba ki nongbah jong u kin manbha biang bad ba sa shisien pat un ïarap ïa ka Jerusalem bad kam ïa ka nongbah kum ka jong u hi.”

SEKHARAÏAH 12:2

“Ngan pynlong ïa ka Jerusalem kum shi khuri ka waiñ; ki jaitbynriew sawdong jong ka kin dih bad ïaid sheng sheng kum ki rangbah kiba la buaid. Bad haba ki kerkut ïa ka Jerusalem, ïa kiwei ki nongbah kiba sah jong ka Judah ruh yn kerkut.

DEUTERONOMI 30:5

khnang ba phin ïoh kam kynti biang ïa kata ka ri ha kaba ki kpa tymmen jong phi ki la shong shisien. Un pynmanbha bad un pynroi ïa phi kham bun shah ban ïa kaba u la leh ïa ki kpa tymmen jong phi.