JEREMAÏAH 33:12 - Khasi CL Bible (BSI)

¹² U Trai Badonbor Baroh u la ong, “Ha kane ka ri kaba long kum ka ri shyiap bad ha kaba ym don ki briew ne ki mrad kiba im hangta, yn sa don biang ki jaka phlang ha kiba ki nongaplangbrot kin wallam ïa ki langbrot jong ki.

KA BAIBL

¹² “Kumne u ong U Trai ki paid: ‘Yn sa don pat ha kane ka jaka, kaba la kynjah khlem briew bad khlem mrad, bad ha ki nongbah jong ka baroh, ka jaka shong ki nongaplangbrot kiba ïa-pyndem ïa la ki kynhun langbrot.

JEREMAÏAH 33:12 Mawu Ofanana

JINGRWAI SOLOMON 1:7

To ïathuh ïa nga, ko ba-ieit jong nga, shano phin ïalam pynbamphlang ïa ka kynhun langbrot jong phi? Hangno kin pynjahthait na ka jingshit ka shiteng sngi? Balei nga donkam ban wad ïa phi hapdeng ki kynhun langbrot jong kiwei pat ki nongap langbrot?

ISAÏAH 65:10

Kin mane ïa nga bad ïalam ïa ki langbrot bad ki jingri jong ki sha ki jaka phlang ha ka Pyntha ka Sharon ha ka phang sepngi bad ha ka Them ka Jingshitom ha ka phang mihngi.

JEREMAÏAH 17:26

Ki briew kin wan na ki shnong jong ka Judah bad na ki shnongrit sawdong jong ka Jerusalem; kin wan na ka thain Benjamin, na ki kjat lum, na ki lumbah, bad na ka bynta bashathie jong ka Judah. Kin wallam sha ka Templ jong nga ïa ki jingainguh thang bad ïa ki jingkñia, ki jingainguh bam bad ka jingiwbih, kumjuh ruh ka jingainguh sngewnguh.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

JEREMAÏAH 31:24

Ki briew kin shong kin sah ha Judah bad ha baroh ki shnong jong ka, bad kin don ki nongrep, bad ki nongap langbrot ryngkat bad ki kynhun langbrot jong ki.

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 36:29

U Trai u la ong ïa nga ban ong ha u syiem, “Me la thang ïa ka kot kli, bad me la kylli ïa u Jeremaïah balei ba u la thoh ba u syiem ka Babilonia un wan bad pynjot ïa kane ka ri bad pynïap ïa ki briew jong ka bad ki mrad jong ka.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

JEREMAÏAH 51:62

Nangta sa duwai, ‘A Trai, me la ong ba men pynjot ïa kane ka jaka, haduh ba yn ym don jingthaw ba im ha ka, u briew lane u mrad, bad ba kan long kum ka ri shyiap junom.’

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

HAGGAI 1:4

Ko ki briew jong nga, balei ba ma phi phin shong ha ki ïing ba la shna bha katba ka Templ jong nga ka dang sah ha ki jingjot?