JEREMAÏAH 30:19 - Khasi CL Bible (BSI)

¹⁹ Ki briew kiba sah hangta kin rwai ïaroh; kin pyrta jam da ka jingkmen. Da ka jingkyrkhu jong nga kin roi ha ka jingbun paid; ka jingkyrkhu jong nga kan wallam ha ki ka burom.

KA BAIBL

¹⁹ Bad na ki, kan mih ka jingainguh bad ka jingsawa jong kita kiba ïalehkmen; bad ngan pynroi ïa ki, te kin ym long kiba khyndiat; ngan pyndonburom ruh ïa ki, te kin ym long ki barit.

JEREMAÏAH 30:19 Mawu Ofanana

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

NEHEMAÏAH 8:12

Kumta u paidbah u leit noh sha la ïing bad bam bad dih da kaba kmen bad ïasam ïa kaei kaba ki don bad kiwei pat, namar ki la sngewthuh ïa kaei kaba la pule ha ki.

NEHEMAÏAH 8:17

Baroh ki briew kiba la wan phai na ka jinglongmraw, ki la shna ïa ki jakarieh bad shong hapoh jong ki. Kane ka la long ka sien kaba nyngkong ba la leh naduh ki sngi u Joshua u khun jong u Nun, bad baroh ki la kmen haduh katta katta.

SALM 53:6

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Blei u pyndap kyrhai biang ïa ki!

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 26:15

A Trai, me la pynlong ïa ka hima jong ngi ban roi, da kaba pynïar ïa ka ri ha baroh sawdong, bad kane ka la wallam ïa me ka burom.

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 52:9

To risa lang da ka jingkmen, phi ki jingpra ka Jerusalem! U Trai un pyllait ïa la ka nongbah bad un pyntngen ïa la ki briew.

ISAÏAH 55:5

Mynta phin phah khot ïa ki hima ri nongwei; mynshuwa kim shym la tip ïa phi, hynrei mynta kin wan mareh ban ïasoh bad phi! Nga, U Trai U Blei jong phi, U Blei bakhuid jong ki Israel, ngan pynjia ïa kane baroh; ngan ai ha phi ïa ka burom bad jingpyndonburom.”

ISAÏAH 60:19

“Ka sngi kan ym long shuh ka jingshai jong pha mynsngi, lymne u bnai un long ka jingshai jong pha mynmiet, ma nga, U Trai, ngan long ka jingshai bymjukut jong pha; ka jingshai jong ka burom jong nga kan tyngshaiñ ha pha.

ISAÏAH 60:22

Wat ka jait ka kynja kaba rit bad ba duk tam kan sa long kaba khraw kum ka jaitbynriew kaba donbor. Haba ka por kaba biang ka la wan, ngan pynjia kloi ïa kine kiei kiei. Nga long U Trai!”

ISAÏAH 60:9

Ki dei ki liengbah kiba wan na ki ri kiba jngai, ki wallam ïa ki paidlang U Blei sha la ïing. Ki wanrah ryngkat bad ki ïa ka rupa bad ka ksiar, ban pyndonburom ïa ka kyrteng U Trai U Blei Bakhuid ka Israel, uba pynlong ïa ki jaitbynriew baroh ban pyndonburom ïa ki briew jong u.

JEREMAÏAH 17:26

Ki briew kin wan na ki shnong jong ka Judah bad na ki shnongrit sawdong jong ka Jerusalem; kin wan na ka thain Benjamin, na ki kjat lum, na ki lumbah, bad na ka bynta bashathie jong ka Judah. Kin wallam sha ka Templ jong nga ïa ki jingainguh thang bad ïa ki jingkñia, ki jingainguh bam bad ka jingiwbih, kumjuh ruh ka jingainguh sngewnguh.

JEREMAÏAH 3:16

Nangta haba phi la ïaroi bun ha kata ka ri, ki briew kin ym ïakren shuh shaphang ka Synduk ka Jutang jong nga. Kin ym pyrkhat shuh shaphang jong ka lane kynmaw ïa ka; kin ym donkam shuh ïa ka, lymne kin ym shna sa kawei pat.

JEREMAÏAH 31:27

“Ma nga, U Trai, nga ong ba ka por kan wan haba ngan pyndap ïa ka ri Israel bad Judah da ki briew bad ki mrad.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 33:22

Ngan pynroi ïa ki nonghiarpateng jong u shakri jong nga u Dabid bad ïa ka jingdon ki lyngdoh na ka jait Lebi, ba kumta yn ym lah ban ñiew ïa ki kumba long ki khlur ha sahit bneng lane u shyiap harud duriaw.”

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

ESEKIEL 37:10

Kumta nga la ïathuhlypa kumba u la bthah ïa nga. Ka jingpynhiar mynsiem ka la rung ha kita ki met, bad ki la khie im bad ki la ïeng joit. Ki la ïabun bah na ki kat ban pynlong ka kynhun shipai.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

SEKHARAÏAH 2:4

Uba nyngkong u la kren ha uta uwei pat, “Khie mareh bad ong ha u samla uba don u ksai thew ba yn sa don bun byllien ki briew bad shibun bah ki jingri ha Jerusalem, ba kan long kaba heh katta katta ban don ki kynroh.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

ÏOANNIS 17:22

Nga la ai ha ki ïa kajuh ka burom kaba me la ai ha nga, khnang ba kin long kawei, kumba ma me bad nga ngi long kawei.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.