JEREMAÏAH 27:11 - Khasi CL Bible (BSI)

¹¹ Hynrei lada kano kano ka jaitbynriew ka pyndem ha u syiem ka Babilonia bad shakri ïa u, te ngan shah ïa ka ba kan shong ha la ka ri, ban rep ïa ka bad shong hangta. Ma nga, U Trai, nga la kren.”

KA BAIBL

¹¹ Hynrei, kata ka jaid bynriew ka ban ai noh ïa la ka ryndang hapoh ka lyngkor u syiem ka Babilon, bad ka ban shakri ïa u, ïa kata, ngan shah ba kan sah ha la ka ri hi,” ong U Trai; “bad kin rep ïa ka, bad shong ha ka.”

JEREMAÏAH 27:11 Mawu Ofanana

JEREMAÏAH 21:9

Uno uno uba sah ha ka nongbah un shah pynïap ha ka thma, ne da ka 'nemsniew, ne da ka jingïapthngan. Hynrei uno uno uba mih shabar bad uba pyndem ha ki Babilonia, kiba dang tur ïaleh mynta ïa ka nongbah, un ym shah pynïap; la kumno kumno un pyllait ïa la ka jingim.

JEREMAÏAH 27:12

Nga la ong ïa kajuh ha u syiem Sedekaïah jong ka Judah. “Pyndem ha u syiem jong ka Babilonia. Shakri ïa u bad ïa ki briew jong u, bad phin im.

JEREMAÏAH 27:2

ban shna ïa lade ka lyngkor da ki tyllai snieh bad ki dieng jingphna bad ban buh ïa ka ha u ryndang jong nga.

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

ESEKIEL 28:25

U Trai Nongsynshar u la ong, “Ngan wallam pat ïa ki paid Israel na ki jaitbynriew kiba nga la pynsakma ïa ki, bad ki jaitbynriew baroh kin tip ba nga long uba khuid. Ki paid Israel kin im ha la ka ri, ka ri kaba nga la ai ha u shakri jong nga u Jakob.