JEREMAÏAH 24:2 - Khasi CL Bible (BSI)

² Ka shang kaba nyngkong ka don ki soh Dumbur kiba bha, kito kiba ih kham kloi; kawei pat ka don ki soh Dumbur kiba pyut, ki bym long bam shuh.

KA BAIBL

² Ha kawei ka shang, la don ki soh Dumbur ki babha eh, kum ki soh Dumbur ba-ih nyngkong; te ha kata kawei ka shang, la don ki soh Dumbur ki basniew eh, ïa ki bym lah bam, ki la sniew haduh katta katta.

JEREMAÏAH 24:2 Mawu Ofanana

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 29:17

U Trai Badonbor Baroh u ong, ‘Nga wallam ka thma, ka jingïapthngan, bad ka jingpang ha ki, bad ngan pynlong ïa ki kum ki soh Dumbur kiba la pyut eh ïa ka ban bam.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

NAHUM 3:12

Baroh ki kut jong pha kin long kum ki diengsoh Dumbur bad ki soh Dumbur ba la ih: Khynñiuh ïa ki dieng bad ki soh kin hap beit hapoh ka shyntur jong pha!

JINGKHEIÑ 18:13

Baroh ki long ki jong me. Uwei pa uwei na ka ïing jong me uba khuid kat kum ka jinglehniam u lah ban bam ïa ki.

MATHAÏOS 5:13

“Phi, phi long kum ka mluh ïa u paid bynriew baroh. Hynrei lada ka mluh ka la blad noh, ym don kano kano ka lad ban pynbha pat ïa ka. Ka la kylla long ka bymdondor, kumta la bret noh ïa ka sharud bad ki briew ki ïuh halor jong ka.