JEREMAÏAH 23:21 - Khasi CL Bible (BSI)

²¹ U Trai u ong, “Ngam shym la phah ïa kine ki nongïathuhlypa, hynrei wat la katta ki leit la ka leit. Ngam shym la ai kano kano ka khubor ha ki, hynrei pynban ki kren ha ka kyrteng jong nga.

KA BAIBL

²¹ “Ngam shym phah ïa kine ki nongïathuhlypa, pynban, ki la phet: ngam shym kren ha ki, pynban, ki la ïathuhlypa.

JEREMAÏAH 23:21 Mawu Ofanana

ISAÏAH 6:8

Nangta nga la ïohsngew ba U Trai u ong, “Ïano ngan phah? Mano ban long u nonglamktien jong ngi?” Nga la jubab, “Ngan leit! To phah ïa nga!”

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 27:14

Wat shahshkor ïa ki nongïathuhlypa kiba ong ïa phi ban ym pyndem ha u. Ki shukor ïa phi.

JEREMAÏAH 27:15

U Trai hi u la ong ba um shym phah ïa ki bad ba ki lamler ïa phi ha ka kyrteng jong u. Bad kumta un beh noh ïa phi, bad ïa phi yn pynïap, ïa phi bad ki nongïathuhlypa kiba ïathuh ïa phi ïa kine ki jinglamler.”

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 29:31

ban phah sha ki koidi baroh ha Babilon ïa kane ka khubor shaphang u Shemaïah: “Ma nga, U Trai, ngan pynshitom ïa u Shemaïah bad ïa ki khun ki ksiew jong u baroh. Ngam shym la phah ïa u, hynrei u la kren ha phi kumba u la long u nongïathuhlypa, bad la pynlong ïa phi ban ngeit ïa ki jinglamler. Un ym don kino kino ki khun ki ksiew hapdeng jong phi. Un ym im ban ïohi ïa kiei kiei kiba bha kiba ngan leh na ka bynta ki briew jong nga, namar u la ong ïa ki ban ïeng ïaleh pyrshah ïa nga. Ma nga, U Trai, nga la kren.”

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 29:9

Ki ïathuh ki jinglamler ïa phi ha ka kyrteng jong nga. Ngam shym phah ïa ki. Ma nga, U Trai Badonbor Baroh, nga la kren.’

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

KI KAM 13:4

Haba la phah da U Mynsiem Bakhuid, u Barnabas bad u Saul ki la leit sha Seleukia bad ki la leit da ka lieng nangta sha ka dewlynnong Sypros.

Ka Shithi U Paul Sha Ki Nong Rom 10:15

Bad kumno ïa ka khubor lah ban pynbna lada ïa ki nongrah-khubor ym shym la phah? Kumba ka Jingthoh Bakhuid ka ong, “Katno ka long kaba phylla ka jingwan jong ki nongrah-khubor kiba wallam ïa ka khubor babha!”