JEREMAÏAH 23:16 - Khasi CL Bible (BSI)

¹⁶ U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

KA BAIBL

¹⁶ Kumne u ong U Trai ki paid, “Wat sngap ïa ki ktien ki nongïathuhlypa kiba ïathuhlypa ha phi: ki hikai ka jingthala ïa phi: ki kren ïa ka jingithuhpaw ka dohnud jong ki hi, te ym na ka shyntur U Trai.

JEREMAÏAH 23:16 Mawu Ofanana

1 SYIEM 22:11

Uwei na ki, u Sedekaïah u khun jong u Khenaanah, u shna ïa ki reng nar bad u ong ha u Ahab, “Kane ka long kaei kaba U Trai u ong: ‘Da kine phin ïaleh ïa ki nong Syria bad phin jop thiaw ïa ki.’ ”

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

2 KHRONIKL 18:5

Kumta u Ahab u khot shapoh ïa ki nongïathuhlypa, kumba sawspah na ki, bad u kylli ïa ki, “Hato ngan leit bad tur ïaleh ïa ka Ramoth, ne em?” “Tur ïaleh ïa ka,” ki jubab. “U Blei un ai jingjop ïa phi.”

PROBERB 19:27

Ko khun, haba phi sangeh ban shah hikai, shen phin iehnoh noh ïa kaei kaba phi la tip mynshuwa.

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 23:21

U Trai u ong, “Ngam shym la phah ïa kine ki nongïathuhlypa, hynrei wat la katta ki leit la ka leit. Ngam shym la ai kano kano ka khubor ha ki, hynrei pynban ki kren ha ka kyrteng jong nga.

JEREMAÏAH 23:26

Slem haduh katno kita ki nongïathuhlypa kin ïalam bakla ïa ki briew jong nga da ki jinglamler kiba ki shu thaw?

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

ESEKIEL 13:16

Kito ki nongïathuhlypa kiba ai jingpynthikna ïa ka Jerusalem ba kaei kaei baroh ka bit ka biang, haba baroh kam bit kam biang!” U Trai Nongsynshar u la kren.

ESEKIEL 13:23

Kumta mynta ki jingïohipaw ba bakla bad ki jingïathuhlypa ba ïalam bakla ki la kut. Nga pyllait im ïa ki briew jong nga na ka bor jong phi, khnang ba phin tip ba nga long U Trai.”

ESEKIEL 13:3

Kane ka dei kaei kaba U Trai Nongsynshar u ong: “Kine ki nongïathuhlypa ba-bieit ki long kiba la tim! Ki ai jaka ïa la ki jong ki jingpyrsad mynsiem bad ki thaw ïa la ki jong ki jingïohipaw.

ESEKIEL 13:6

Ki jingïohipaw jong ki, ki long kiba bakla, bad ki jingïathuh lypa jong ki, ki long kiba lamler. Ki kam ba ki kren ïa ka khubor jong nga, hynrei ngam shym la phah ïa ki. Pynban ki khmih lynti ba ki ktien jong ki kin urlong shisha!

ESEKIEL 22:28

Ki nongïathuhlypa ki la buhrieh ïa la ki pop kum kito kiba tap ïa ka kynroh da ka pushara lieh. Ki ïohi ïa ki jingïohipaw ba bakla bad ki pynmih la ki jong jingïathuhlypa ba bakla. Ki kam ba ki kren ïa ka ktien jong U Trai Nongsynshar, hynrei ma nga, U Trai, ngam shym la kren ha ki.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.