JEREMAÏAH 23:12 - Khasi CL Bible (BSI)

¹² Ki lynti ïaid ba ki bud kin long kiba btuit bad kiba dum; ngan pynlong ïa ki ba kin jynthut bad kin kyllon. Ngan wallam ka jingpynjot ha ki; ka por ka jingpynshitom ïa ki ka la nang wan, ma nga, U Trai, nga la kren.

KA BAIBL

¹² “Namar kata, ka lynti jong ki kan long ha ki kum ki jaka kiba tyrsiang ha ka jingdum: yn nang beh ïa ki, te kin kyllon ha ka: naba ngan pynwan ïa ka jingsniew halor jong ki, ïa ka snem ka jingwan-i jong ki keiñ,” ong U Trai.

JEREMAÏAH 23:12 Mawu Ofanana

Ka Kitab U Job 18:18

Yn sa beh noh ïa u na ka ri jong kiba im, yn sa beh noh na ka jingshai sha ka jingdum.

SALM 35:6

Ai ba ka lynti jong ki kan long kaba dum bad kaba btuit, katba u angel U Trai u nang shoh ïa ki!

SALM 73:18

Men buh ïa ki ha ki jaka kiba btuit bad pynlong ïa ki ban kyllon sha ka jingpynjot!

SALM 82:5

“A katno phi long kiba duna ka jingshemphang! A katno kiba mutlop! Phi long kiba bamsap bha, ka jingbishar hok ka la jah na ka pyrthei.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

PROBERB 4:19

Ka lynti ki riewsniew ka long kaba dum tliw tliw kum ka miet. Ki kyllon, hynrei kim ïohi ha-ei ki jynthut.

ISAÏAH 8:22

lane peit shlip ha ka khyndew, pynban kin ym ïohi ei ei hynrei ka jingjynjar bad ka jingdum, ka jingdum kaba pyntriem sha kaba la beh ïa ki.

JEREMAÏAH 11:23

Nga la buh ka por ïa ka ban wallam ka jingpynjot ha ki briew jong ka Anathoth, bad haba kata ka por ka wan, yn ym don mano mano ruh na ki u ban lait im.”

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 48:44

Uno uno uba pyrshang ban lait na ka jingshyrkhei un hap hapoh ki liewlep, bad uno uno uba kiew na ki liewlep un ngat ha ki jingriam, namar U Trai u la buh por na ka bynta ka jingpynjot ïa ka Moab.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.