JEREMAÏAH 23:11 - Khasi CL Bible (BSI)

¹¹ U Trai u ong, “Ki nongïathuhlypa bad ki lyngdoh ki long ki bymriewblei; nga la lap ïa ki ba ki leh bymman ha ka Templ hi.

KA BAIBL

¹¹ “Naba u nongïathuhlypa bad u lyngdoh ki la tngit; shisha, ha ka ïing jong nga, nga shem ka jingbymman jong ki,” ong U Trai.

JEREMAÏAH 23:11 Mawu Ofanana

2 KHRONIKL 33:5

Ha ki ar tylli ki phyllaw jong ka Templ, u tei ïa ki duwan na ka bynta ka jingmane ïa ki khlur.

2 KHRONIKL 33:7

U buh ïa ka durblei ha ka Templ, ka jaka ha kaba U Blei u la ong ha u Dabid bad ha u Solomon u khun jong u: “Hangne ha Jerusalem, ha kane ka Templ, ka long ka jaka ïa kaba nga la jied na baroh kawei ka ri jong ki khat-ar jait ki Israel kum ka jaka ha kaba yn mane ïa nga.

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

JEREMAÏAH 11:15

U Trai u ong, “Ki briew kiba nga ieit ki la leh ïa kiei kiei kiba sniew. Ki don hok aïu ban don hapoh ka Templ jong nga? Hato ki pyrkhat ba ki lah ban ïada na ka jingpynjot da kaba pynlong ki jingkular bad da kaba ai ki jingkñia da ki mrad? Hato kata kan pynkmen ïa ki?

JEREMAÏAH 23:15

“Kumta te, kane ka long kaei kaba ma nga, U Trai Badonbor Baroh, nga ong shaphang ki nongïathuhlypa ka Jerusalem: “Ngan ai ïa ki da ki jhur kthang ban bam, bad ka bih ba kin dih; namar ba ki la pynsaphriang ïa ka jingbymriewblei kylleng ka ri.”

JEREMAÏAH 32:34

Ki buh wat ïa ki bleithaw ba-ijli jong ki ha ka Templ ba la tei na ka bynta ka jingmane ïa nga, bad ki la pyntngit ïa ka.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

ESEKIEL 23:39

Ha kata ka sngi hi ba ki pynïap ïa ki khun jong nga kum ki jingkñia sha ki bleithaw, ki la wan sha ka Templ jong nga bad pyntngit ïa ka!

ESEKIEL 44:10

U Trai u la ong ha nga, “Ngan pynshitom ïa kito ki Lebi, ryngkat bad ïa kito kiba na ki paid Israel, kiba la iehnoh ïa nga bad mane ïa ki bleithaw.

ESEKIEL 7:20

Shisien ki la ju sngewsarong ïa la ki mawlynnai ba-itynnat, hynrei ki la pyndonkam ïa ki ban shna ïa ki bleithaw kiba ijli. Dei na kata ka daw balei ba U Trai u la pynlong ïa ka spah jong ki ban kynriah noh ïa ki.

ESEKIEL 8:11

Hynñiewphew ngut ki nongïalam Israel ki don hangta, kynthup ïa u Jaasanaïah u khun jong u Shaphan. Uwei pa uwei u bat ïa u khiew thang jingiwbih, bad ka tdem ka dang kiew na ka jingiwbih.

ESEKIEL 8:16

Kumta u la ïalam ïa nga sha ka phyllaw kaba kham shapoh ka Templ. Hangta hajan ka jaka rung sha ka jaka kyntang, hapdeng ka duwan bad ka lynti rung, la don arphew san ngut ki rangbah. Ki phai dadien ïa ka jaka kyntang, bad ki pyndem ïa lade shaphang mihngi, ki da mane ïa ka sngi kaba dang mih.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.