JEREMAÏAH 18:12 - Khasi CL Bible (BSI)

¹² Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

KA BAIBL

¹² “ ‘Hynrei ki ong, Ym don jingkyrmen; naba ngin ïaid katba kum ka buit jong ngi hi, bad ngin leh uwei uwei baroh katba kum ka jingmutlop ka dohnud sniew jong u.’ ”

JEREMAÏAH 18:12 Mawu Ofanana

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

2 SYIEM 6:33

Katba un da dep kren ïa kane, haba u syiem u wan poi bad u la ong, “U long U Trai uba la wallam ïa kane ka jingjynjar ha ngi! Balei ba ngan ap slem ïa u ban leh ei ei?”

ISAÏAH 57:10

Phi pynthait ïa lade ban leit wad ïa kiwei pat ki blei, hynrei phim shym la sangeh. Phi pyrkhat ba ki bleithaw ba-ijli jong phi kin ai bor ïa phi, bad kumta phim ju khie tlot.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

JEREMAÏAH 11:8

Hynrei kim shym la shahshkor lane kohnguh. Pynban, uwei uwei baroh u ïai bteng ban long uba mutlop bad uba sniew kumba u ju long. Nga la hukum ïa ki ban bat ïa ka jutang, hynrei ki la kyntait. Kumta nga la wallam halor jong ki baroh ïa ki jingpynshitom kiba la batai ha ka.”

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

ESEKIEL 37:11

U Blei u la ong ha nga, “Ko khun u briew, ki briew ka Israel ki long kum kine ki shyieng. Ki ong ba ki la tyrkhong, khlem kano kano ka jingkyrmen bad ym don shuh ka lawei.

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

LOUKAS 1:51

U la kner ïa ka ksang'ti badonbor jong u bad u la pynsakma ïa kiba sarong lem bad ki jingthmu jong ki.

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.