JEREMAÏAH 15:21 - Khasi CL Bible (BSI)

²¹ Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

KA BAIBL

²¹ “Bad ngan pyllait ïa me na ka kti jong ki bymman, bad ngan siewspah ïa me na ka kti jong kiba itriem.”

JEREMAÏAH 15:21 Mawu Ofanana

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

SALM 27:2

Haba ki riewsniew ki tur ïaleh ïa nga bad pyrshang ban pynïap ïa nga, ki jynthut bad ki kyllon.

SALM 37:40

U ïarap ïa ki bad u pyllait ïa ki; u pyllait im ïa ki na ki bymman, namar ba ki leit sha u ban ïoh jingïada.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

ISAÏAH 29:20

Kan sa long kaba kut ïa kito kiba banbeiñ ïa kiwei bad kiba pyn-i jingñiewbeiñ ïa U Blei. Ïa uwei pa uwei u nongpop yn pynjot.

ISAÏAH 29:5

Ko Jerusalem, baroh ki nongwei kiba tur ïaleh ïa pha kin shah beh noh kum ïa u pui pui, bad ki kynhun shipai bashyrkhei jong ki kin her kum u phlangïap.

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

JEREMAÏAH 16:1

U Trai u la kren pat ha nga bad u la ong,

JEREMAÏAH 20:13

To rwai ha U Trai! To ïaroh ïa U Trai! u la pyllait im ïa kiba la shah banbeiñ na ka bor jong ki briew basniew.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 31:11

Nga la pyllaitluid ïa ki paid Israel bad pynim ïa ki na ka hima bakhrawbor.

JEREMAÏAH 38:28

Bad ïa nga la buh ha ka phyllaw jong ka ïingsyiem haduh ka sngi ba la kurup ïa ka Jerusalem.

JEREMAÏAH 39:11

Hynrei u syiem Nebukhadnessar u la hukum ïa u Nebusaradan, u rangbah shipai, ban ai ïa kane ka hukum harum:

JEREMAÏAH 39:12

“Khie leit wad ïa u Jeremaïah bad sumar bha ïa u. Wat pynmynsaw ïa u, hynrei leh ïa kaei kaei baroh kaba u kwah.”

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:25

“Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.