JEREMAÏAH 1:8 - Khasi CL Bible (BSI)

⁸ Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

KA BAIBL

⁸ Wat sheptieng na ka bynta jong ki: naba nga long lem bad me ïa ka ban pyllait ïa me,” ong U Trai.

JEREMAÏAH 1:8 Mawu Ofanana

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

JEREMAÏAH 1:17

Pynkhreh, ko Jeremaïah; khie leit bad ïathuh ïa ki ïa kaei kaei baroh kaba nga hukum ïa me ban ong. Wat leit sheptieng ïa ki mynta, ïoh ba ngan pynlong ïa me uba kham sheptieng haba me don bad ki.

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 39:11

Hynrei u syiem Nebukhadnessar u la hukum ïa u Nebusaradan, u rangbah shipai, ban ai ïa kane ka hukum harum:

JEREMAÏAH 42:11

Keiñ noh na kaba sheptieng ïa u syiem jong ka Babilonia. Nga long ryngkat bad phi, bad ngan pyllait ïa phi na ka bor jong u.

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:25

“Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

MATHAÏOS 10:26

“Kumta wat sheptieng ïa ki briew. Ïa kaei kaba la kah mynta yn weng noh, bad ïa kaei kaba la buhrieh yn pynpaw.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

KI KAM 26:17

Ngan pyllait ïa me na ki paid Israel bad na ki Jentil sha kiba ngan phah ïa me.

KI KAM 4:13

Ki dkhot jong ka Dorbar ki la sngewlyngngoh ban ïohi kumno u Petros bad u Ïoannis ki la long kiba shlur bad ban tip ba ki long ki riewpaidbah ki bymnang bymstad. Ki la sngewthuh te ba ki la long ki nongsynran jong U Jisu.

KI KAM 4:29

Bad mynta, ko Trai, to khmih ïa ki jingbyrngem kiba ki la pynlong, bad shah ïa ngi, ki shakri jong me, ban kren ïa ka khubor jong me da ka jingshlur baroh.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

DEUTERONOMI 31:6

To long kiba kut jingmut bad sngewskhem bha. Wat sheptieng ïa ki. U Trai U Blei jong phi hi un don ryngkat bad phi. Un ym ieh ïa phi lane kyntait ïa phi.”

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”