JENESIS 46:5 - Khasi CL Bible (BSI)

⁵ Nangta u Jakob u mihnoh na Beersheba. Ki khun shynrang jong u ki pynshong ïa u, ïa ki khun rit jong ki, bad ïa ki tnga jong ki, ha kita ki kali kiba u syiem ka Ijipt u la phah ban kit ïa ki.

KA BAIBL

⁵ Bad u Jakob u la mih noh na Beer-sheba: bad ki khun shynrang u Israel ki la wallam ïa u Jakob u kpa jong ki, bad la ki khun rit jong ki, bad ïa ki tnga jong ki, ha kita ki kali ïa kiba u Pharaoh u la lah phah lam ïa ka ban kit ïa ki.

JENESIS 46:5 Mawu Ofanana

JENESIS 21:14

Dang step phyrngab ha ka sngi kaba bud, u Abraham u ai katto katne ka jingbam bad ka pla snieh ba-dap um ha ka Hagar. U pynbah ïa u khun ha ka met jong ka bad u la phah noh ïa ka. Ka la mihnoh bad ka ïaid sakma ha ka ri khlaw jong ka Beersheba.

JENESIS 45:19

Ong ruh ïa ki ba kin shim ïa ki kali na Ijipt na ka bynta ki tnga bad ki khun rit jong ki, bad ban wan ïalam ïa u kpa jong phi bad ki.

JENESIS 45:21

Ki khun U Jakob ki leh kumta kumba la bthah ïa ki. U Joseph u ai kali ïa ki, kumba u syiem u la hukum, bad u ai jingbam ïa ki ba kin bam ha lynti.

JENESIS 45:27

Hynrei haba ki ïathuh ha u ïa kata baroh kaba u Joseph u la ong ïa ki, bad haba u ïohi ïa ki kali ba u Joseph u la phah ban kit ïa u sha Ijipt, u kyndit bynriew.

EKSODOS 10:24

U Pharaoh u la phah khot ïa u Moses, bad u la ong, “Phi lah ban leit bad mane ïa U Trai; wat ki kynthei bad ki khynnah ruh ki lah ban leit ryngkat bad phi. Hynrei ki langbrot, ki blang bad ki masi jong phi ki dei ban don hangne.”

EKSODOS 10:26

Em, ngin ïalam ïa ki mrad jong ngi lem bad ngi; yn ym don kawei ruh ïa ka ban iehnoh shadien. Ngin sa jied hi ïa ki mrad da kiba ngin mane ïa U Trai U Blei jong ngi. Bad katba ngim pat poi hangta, ngin ym tip ki jingri kiba kumno ngin kñia ha u.”

KI KAM 7:15

Nangta u Jakob u la leit sha Ijipt, ha kaba ma u bad ki khun shynrang jong u ki la ïap.

1 SAMUEL 12:8

Haba u Jakob bad ka ïing jong u ki leit sha Ijipt, bad ki nong Ijipt ki banbeiñ ïa ki, ki kpa tymmen jong phi ki kyang ban ïoh jingïarap sha U Trai, bad U Trai u phah ïa u Moses bad u Aaron, kiba la wan ïalam noh ïa ki na Ijipt bad pynshong pynsah ïa ki ha kane ka ri.