JENESIS 3:6 - Khasi CL Bible (BSI)

⁶ Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

KA BAIBL

⁶ Te haba kata ka briew ka la ïohi ba uta u dieng u la long u babha ban bam, bad uba itynnad ïa ki khmat, bad u dieng uba bit ïa ka ban pynstad, ka la shim na u soh jong u, bad ka la bam ruh, bad ka la ai lem ruh de ha la u tnga; u ruh u la bam.

JENESIS 3:6 Mawu Ofanana

JENESIS 3:12

Uta u briew u ong, “Ka briew kaba me la buh hangne bad nga, ka la ai ha nga ïa u soh, bad nga la bam.”

JENESIS 3:17

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

JENESIS 39:7

U Joseph u long uba dap shynrang bad uba bhabriew lymphuin, bad hadien khyndiat por, ka tnga jong u kynrad jong u ka la sdang ban ikwah ïa u Joseph, bad ka la ong ïa u ban leit thiah bad ka.

JENESIS 6:2

katto katne na ki jingthaw ba kynja bneng ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon.

2 SAMUEL 11:2

Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

1 SYIEM 13:19

Kumta u nongïathuhlypa uba na Judah u leit sha ka ïing jong u nongïathuhlypa tymmen bad u bam u dih bad u.

Ka Kitab U Job 31:1

Nga la pynlong ka jingkular bakyntang ban nym khmih da ka jingkwah brai ïa ka kynthei.

ESEKIEL 24:16

“Ko Khun u briew,” u la ong, “tang shi syntied ngan shim noh ïa u briew uba pha ieit eh. Pham dei ban wad daw lane ïam ne jaw ki ummat.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 24:25

U Trai u la ong, “Mynta, ko khun u briew, ngan shim noh na ki ïa ka Templ bakhraw kaba la long ka jingsarong bad ka jingkmen jong ki, kaba ki sngewtynnat ban khmih bad ban leit jngoh. Bad ngan shim noh ïa ki khun shynrang bad ki khun kynthei jong ki.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

MATHAÏOS 5:28

Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

1 TIMOTHI 2:14

Bad ym dei u Adam uba la shah shukor; dei ka kynthei kaba la shah shukor bad pynkheiñ ïa ka hukum U Blei.

JOSHUA 7:21

Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.

NONGBISHAR 14:17

Ka la ïam shaphang kata ha baroh kita ki hynñiew sngi jong ka jingkhawai. Hynrei ha ka sngi kaba hynñiew u ïathuh ha ka, ka mut aïu kata ka jingkyntip, naba ka ïai thlia ïa u katta katta. Nangta ka ïathuh pat ha kita ki Philistia.