JENESIS 26:12 - Khasi CL Bible (BSI)

¹² U Isaak u la thung jingthung ha kata ka jaka, bad ha kata ka snem u ïoh ot shispah shah ïa kaba u la bet, namar U Trai u la kyrkhu ïa u.

KA BAIBL

¹² Bad u Isaak u la bet ha kata ka khyndew, bad u la ïoh kynshew ha kata ka snem ïa kaba shispah shah. Bad U Trai u la kyrkhu ïa u.

JENESIS 26:12 Mawu Ofanana

JENESIS 24:1

U Abraham u la tymmen bha, bad U Trai u la kyrkhu ïa u ha kiei kiei baroh kiba u leh.

JENESIS 24:35

“U Trai u la kyrkhu kyrhai ïa u kynrad jong nga bad u la pynlong ïa u, u briew uba riewspah. U la ai ha u ki kynhun langbrot bad blang, ki masi, ka rupa, ka ksiar, ki mraw shynrang bad kynthei, ki ut bad ki kada.

JENESIS 25:11

Hadien ka jingïap jong u Abraham, U Blei u la kyrkhu ïa u Isaak u khun jong u, uba sah hajan “Ka Pukri jong Uta Uba Im Uba Ïohi Ïa Nga.”

JENESIS 26:29

Ngi kwah ba phin kular ba phin ym pynmynsaw ïa ngi, kumba ngi ruh ngim shym la pynmynsaw ïa phi. Ngi la lehsbun ïa phi bad ngi la shah ba phin leit da kaba suk. Mynta ka paw shai ba U Trai u la kyrkhu ïa phi.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 30:30

Kaba khyndiat kaba phi don shuwa ba ngan wan ka la roi kyrhai, bad U Trai u la kyrkhu ïa phi kat shaba nga leit. Mynta ka la dei ka por ïa nga ban peit sa na bynta ïa lade.”

Ka Kitab U Job 42:12

U Trai u la kyrkhu ïa ka bynta kaba khatduh jong ka jingim u Job kham palat ban ïa kaba u la kyrkhu ha kaba mynnyngkong. U Job u long trai ïa ki khatsaw hajar tylli ki langbrot, hynriew hajar tylli ki ut, ar hajar tylli ki masi, bad shihajar tylli ki kada.

SALM 67:6

Ka khyndew ka la pynmih ïa u soh jong ka; U Blei, U Blei jong ngi, u la kyrkhu ïa ngi.

SALM 72:16

Ai ba yn don kyrhai u riewhadem ha ka ri; ai ba ïa ki lumrit yn tap da ki jingthung, kiba seisoh kum kito ki jong ka Lebanon. Ai ba ki nongbah kin dap da ki briew, kum ki pyntha kiba shlei da u phlang.

PROBERB 10:22

Ka dei ka jingkyrkhu U Trai kaba pynriewspah ïa phi. Ka jingtrei shitom kan ym lah ban kham pynriewspah ïa phi.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

MATHAÏOS 13:23

Bad ki symbai kiba la bet ha ka khyndew kaba bha ki ïeng na ka bynta kito kiba ïohsngew ïa ka khubor bad shemphang ïa ka: ki pynmih soh, katto katne shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 13:8

Hynrei khyndiat ki symbai u la hap ha ka khyndew kaba bha, bad ki jingthung ki la pynmih symboh; katto katne ki la pynmih shispah tylli, kiwei pat hynriewphew tylli, bad kiwei pat laiphew tylli.”

MARKOS 4:8

Hynrei katto katne ki symbai ki la hap ha ka khyndew kaba bha, bad ki la shylluit, ki la san bad pynmih sohkew; katto katne ki don laiphew tylli ki sohkew, kiwei pat hynriewphew tylli bad kiwei pat shispah tylli.”

1 KORINTH 3:6

Nga bet ïa u symbai, u Apollos u la ai um ïa u jingthung, hynrei dei U Blei uba pynsan ïa u jingthung.