JENESIS 24:12 - Khasi CL Bible (BSI)

¹² U la duwai, “A Trai, U Blei jong u kynrad jong nga u Abraham, to ai ka jingjop ïa nga mynta ka sngi bad to bat ïa la ka kular ïa u kynrad jong nga.

KA BAIBL

¹² U la duwai te, “Ko Trai uba U Blei u Abraham u kynrad jong nga, nga kyrpad ïa me, to pyllaitluid bha ïa ka lynti ha khmat jong nga ha kane ka sngi, bad to pyni ïa ka jinglehsbun ïa u Abraham u kynrad jong nga.

JENESIS 24:12 Mawu Ofanana

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 24:21

Uta u briew u dang ïai khmih jar jar ïa ka, ban peit la ka long ba U Trai u la ai jingjop ïa u.

JENESIS 24:27

U ong, “Ïaroh ïa U Trai, U Blei jong u kynrad jong nga u Abraham, uba la batskhem ïa la ka kular ha u kynrad jong nga. U Trai hi u la ïalam beit ïa nga sha ki kur ki jait u kynrad jong nga.”

JENESIS 24:42

“Haba nga la wan sha ka pukri mynta ka sngi, nga la duwai, ‘A Trai, U Blei jong u kynrad jong nga u Abraham, sngewbha ai ka jingjop ha nga ha kaei ba nga leh.

JENESIS 24:48

Nga la dem khohsiew bad mane ïa U Trai. Nga ïaroh ïa U Trai, U Blei jong u kynrad jong nga u Abraham, uba la ïalam beit ïa nga sha u kur u jait jong u kynrad jong nga, ha kaba nga la shem ïa ka khun jong u na ka bynta u khun jong u kynrad jong nga.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 27:10

Phi lah ban leit rah ïa ka sha i pa jong phi ba in bam bad in sa ai ïa phi ka jingkyrkhu jong i shuwa ba in ïap.”

JENESIS 27:20

U Isaak u ong, “Kumno keiñ khun phi stet katta katta ban ïoh ïa ka?” U Jakob u jubab, “Namar U Trai U Blei jong phi u la ïarap ïa nga ban lap ïa ka.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 31:42

Lada U Blei jong ki kpa jong nga, U Blei jong u Abraham bad u Isaak um shym la don ryngkat bad nga, phin jin da la phah thylli ïa nga. Hynrei U Blei u la ïohi ïa ka jingjynjar jong nga bad ïa ka jingtrei ba nga la pyndep, bad hynne mynmiet u la ai ïa ka jingbishar jong u.”

JENESIS 32:10

Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

JENESIS 32:9

Nangta u Jakob u la duwai, “A U Blei jong u parad jong nga u Abraham, bad U Blei jong u kpa jong nga u Isaak, to shahshkor ïa nga! Me la bthah ïa nga, A Trai, ban leit phai pat sha la ka ri bad sha la ki kur ki jait, bad men pynbiang ba kiei kiei baroh kin ïaid beit bad nga.

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

1 SYIEM 18:36

Ha ka kynta jong ka jingainguh ha ka por nohphai sngi, u Elijah nongïathuhlypa u wan sha ka duwan bad u duwai, “Ko Trai, U Blei u Abraham, u Isaak bad u Jakob, pynshisha mynta ba me long U Blei ki Israel bad ba nga long u shakri jong me bad ba nga la leh ïa kane baroh kat kum ka hukum jong me.

2 SYIEM 2:14

U la tied ïa ka um da ka jaiñkup jong u Elijah, bad u ong, “Hangno U Trai, U Blei jong u Elijah?” Nangta u la tied biang ïa ka um, bad ka la kad arliang, bad u la ïaid sha shiliang.

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

NEHEMAÏAH 2:4

U patsha u kylli, “Kaei kaba me kwah?”

SALM 118:25

To pynim ïa ngi, A Trai, to pynim ïa ngi! to ai ha ngi ïa ka jingjop, A Trai!

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

SALM 127:1

Lada U Trai um tei ïa ka ïing, ka jingtrei ki nongtei ka long lehnoh-ei; lada U Trai um ïada ïa ka nongbah, ka long lehnoh-ei ïa ki nongap ban ap phira.

SALM 37:5

Ai ïa lade ha U Trai; shaniah ha u, bad un ïarap ïa phi.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.