JENESIS 21:12 - Khasi CL Bible (BSI)

¹² Hynrei U Blei u ong ha u Abraham, “Wat khuslai na ka bynta uta u khynnah bad na ka bynta ka Hagar ka mraw jong me. Leh ïa kaei kaba ka Sarah ka ong ha me, namar na u Isaak men sa ïoh ki khun ki ksiew kiba nga la kular.

KA BAIBL

¹² Hynrei, U Blei u la ong ha u Abraham, “Wat ai ba yn pynsngewsih ïa me na ka bynta uta u samla, bad na ka bynta ka mraw jong me; ha kiei kiei baroh ba ka Sara ka la ong ha me, to da pynshahshkor keiñ ïa ka ktien jong ka; naba ha u Isaak yn khot u symbai jong me.

JENESIS 21:12 Mawu Ofanana

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 17:21

Hynrei ngan bat ïa la ka jutang bad u khun jong me u Isaak, ïa uba ka Sarah kan sa kha ha me kum ha kane ka aïom ha ka snem ka ban wan.”

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

GALATIA 4:30

Hynrei aïu ka Jingthoh Bakhuid ka ong? Ka ïathuh, “Beh noh ïa ka kynthei mraw bad ïa u khun jong ka; naba u khun jong ka kynthei mraw un ym ïoh bynta na ka jingdon jingem u kpa lem bad u khun jong ka kynthei kaba laitluid.”

HEBRU 11:18

U Blei u la ong ha u, “Dei lyngba u Isaak ba men ïoh ïa ki khun ki ksiew kiba nga la kular.”

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.

1 SAMUEL 8:9

Kumta, sngap ïa ki, tangba me dei ban maham jur ïa ki bad pynshai kumno kita ki syiem kin leh ïa ki.”