JENESIS 20:3 - Khasi CL Bible (BSI)

³ Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

KA BAIBL

³ Ynda kumta, U Blei u la wan ha u Abimelekh ha ka jingphohsniew mynmiet, bad u la ong ha u, “Ha khmih, men sa ïap namar kata ka briew ïa kaba me la shim; naba ka long ka tnga briew.”

JENESIS 20:3 Mawu Ofanana

JENESIS 12:17

Hynrei namar ba u syiem u la shim ïa ka Sarai, U Trai u la phah ki jingpang bashyrkhei halor jong u bad halor ki briew ha ka ïing jong u.

JENESIS 12:18

Nangta u syiem u la khot ïa u Abram, bad u kylli ïa u, “Me leh aïu ïa nga? Balei mem shym la ïathuh ïa nga ba ka dei ka tnga jong me?

JENESIS 20:7

Hynrei mynta, to pynphai noh ïa kato ka briew ha u tnga jong ka. U dei u nongïathuhlypa, bad un sa duwai na ka bynta jong me, ba kumta men ym ïap. Hynrei lada mem pynphai pat ïa ka, nga maham ïa me ba men ïap, ma me bad ki briew jong me baroh.”

JENESIS 28:12

U la phohsniew ba u ïohi ïa ka lynti mawkyrdon na khyndew sha bneng, bad ki angel kiba ïakiew ïahiar ha ka.

JENESIS 31:24

Ha ka jingphohsniew ha kata ka miet U Blei u paw ha u Laban bad u ong ha u, “Da husiar ban ym byrngem ïa u Jakob ha kano kano ka rukom.”

JENESIS 37:5

Shisien u Joseph u la phohsniew, bad haba u la ïathuh ïa ka ha la ki hynmen shynrang, ki la kham isih shuh shuh ïa u.

JENESIS 37:9

Nangta u Joseph u phohsniew sa kawei pat ka jingphohsniew, bad u la ïathuh ha la ki hynmen shynrang. “Nga la phohsniew sa kawei pat ka jingphohsniew, ha kaba nga la ïohi ïa ka sngi, u bnai, bad ïa ki khlur khatwei tylli ba ki ïanguh ïa nga.”

JENESIS 40:5

Ha kawei ka miet hangta ha ka ïingbyndi, uta u nongrah khuri bad u nongshet kpu rangbah ki la phohsniew mar la ka jong ka jingphohsniew kaba don la ka jong ka jong ka jingmut.

JENESIS 40:8

Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

JENESIS 46:2

Te U Blei u kren ha u ha ka jingïohipaw mynmiet, bad u ong, “Jakob, Jakob!” U ruh u jubab, “Oi, nga hangne.”

1 KHRONIKL 16:21

Hynrei U Blei um shym la shah ïano ïano ban banbeiñ ïa ki; ban ïada ïa ki, u la maham ïa ki syiem;

Ka Kitab U Job 33:15

Mynmiet haba ki briew ki dang ïohthiah, U Blei u kren ha ki jingphohsniew bad jingïohipaw.

Ka Kitab U Job 33:17

U Blei u kren ban pynlong ïa ki ban pynphai ïa ki na kaba leh pop bad ban pyllait ïa ki na kaba sngewsarong.

SALM 105:14

Hynrei U Blei um shym la shah ïano ïano ban lehbeiñ ïa ki; ban ïada ïa ki, u maham ïa ki syiem:

JONAH 3:4

U Jonah u sdang ban ïaid lyngba ïa ka nongbah, bad hadien ba u la ïaid baroh shi sngi, u la pynbna, “Hapoh sawphew sngi ïa ka Ninebeh yn sa pynjot!”

JINGKHEIÑ 22:9

U Blei u wan ha u Balaam, bad u ong, “Kiei kine ki briew kiba sahmiet bad me?”

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 27:19

Katba u Pilat u dang shong ha ka kamra ïingbishar, ka tnga jong u ka la phah khubor sha u: “Wat leh ei ei ïa uta u briew uba lui lui, namar ba ha ka jingphohsniew hynne mynmiet nga la shahshitom shikatdei eh na ka bynta jong u.”