JENESIS 17:18 - Khasi CL Bible (BSI)

¹⁸ U ong ha U Blei, “Balei ym ai ïa u Ishmael ba un long u nongïoh pateng jong nga?”

KA BAIBL

¹⁸ Te u Abraham u la ong ha U Blei, “A tang ba un da ïoh im u Ishmael ha khmat jong me!”

JENESIS 17:18 Mawu Ofanana

JENESIS 17:17

U Abraham u dem ngon ha khyndew, hynrei u la sdang ban rkhie haba u pyrkhat, “Hato u briew u lah mo ban ïoh khun haba u la don shispah snem ka rta? Hato ka Sarah ka lah mo ban ïoh khun haba ka la don khyndaiphew snem ka rta?”

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 21:11

Kane ka la pyndiaw shibun eh ïa u Abraham, naba u Ishmael ruh u dei u khun jong u.

JENESIS 4:12

Lada me pyrshang ban thung jingthung, ka khyndew kan ym pynmih ei ei; men long u nongphetwir ha ka pyrthei.”

JENESIS 4:14

Me la beh noh ïa nga na ka khyndew bad na ka jingdon ryngkat ka jong me. Ngan long u nongphetwir ha ka pyrthei, bad uno uno uba lap ïa nga un pynïap ïa nga.”

SALM 4:6

Don bun kiba duwai: “Ai ha ngi bun ki jingkyrkhu, A Trai. To khmih halor jong ngi da ka jingbhasbun!”

SALM 41:12

Men ïarap ïa nga, namar nga leh ïa kata kaba dei; men buh ïa nga ha ka jingdon jong me junom.

ISAÏAH 59:2

Ka dei namar ki pop jong phi ba um shym ïohsngew ïa phi. Ka dei ki pop jong phi kiba pynïakhlad ïa phi na U Blei haba phi pyrshang ban mane ïa u.

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”