JENESIS 15:16 - Khasi CL Bible (BSI)

¹⁶ Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

KA BAIBL

¹⁶ Hynrei, ha ka basaw pateng bynriew kin ïawan phai pat shane; naba ka jingleh bymman ka jong ki Amor kam pat la dap.”

JENESIS 15:16 Mawu Ofanana

JENESIS 10:16

U Kanaan u long ruh u kpa tymmen jong ki Jebus, ki Amor, ki Girgash,

JENESIS 15:13

U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

JENESIS 48:21

Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

1 SYIEM 21:26

U la leh ïa ka pop kaba ijli eh da kaba mane ïa ki bleithaw, kumba ki Amor ki la leh, ïa kiba U Trai u la beh noh na ka ri katba ki paid Israel ki nang ïaid sha khmat.)

2 SYIEM 21:11

“U syiem Manasseh u la leh ïa kine kiei kiei kiba ijli, kiei kiei kiba kham sniew ban ïa kaei kaba ki nong Kanaan ki la leh, bad ryngkat bad ki bleithaw jong u, u la ïalam ïa ki briew jong ka Judah ban leh pop.

SALM 105:43

Kumta u ïalam noh ïa ki briew ba la jied jong u, bad ki rwai bad pyrta da ka jingkmen.

EKSODOS 12:40

Ki Israel ki sah ha Ijipt sawspah laiphew snem.

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 13:4

Phi ïamihnoh na ka ri Ijipt ha kane ka sngi jong u bnai uba nyngkong, u bnai Abib.

DANIEL 8:23

“Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

LEBITIKOS 18:24

Wat pynbyrsieh ïa lade da kano kano na kine ki kam, namar dei da kine ba ki briew ki bymngeit Blei ki la pyntngit ïa lade, kito ki jaitbynriew kiba im ha kata ka ri ha shuwa jong phi bad ïa kiba ngan beh noh, ba phin ïoh leit rung hangta.

DEUTERONOMI 9:4

“Wat ong ha la ka dohnud ynda U Trai U Blei jong phi u la pynher krad ïa ki na khmat jong phi, ka long namar ka hok jong ngi ba U Trai u la wan ïalam ïa ngi ban ïohkynti ïa kata ka ri.” Pynban ka long namar ka jingbymman kita ki jaitbynriew ba U Trai u la beh krad ïa ki namar jong phi.

DEUTERONOMI 9:5

Ym dei namar ka hok jong phi ne ka jinglong beit ha ka dohnud ba phin ïohkynti ïa ka ri jong ki, hynrei ka long namar ka jingbymman jong kita ki jaitbynriew ba U Trai U Blei jong phi u la beh krad ïa ki na khmat jong phi; ba un pynskhem ïa la ka kular ba u la ai ha ki kpa tymmen jong phi, u Abraham, u Isaak, bad u Jakob.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!