JENESIS 1:11 - Khasi CL Bible (BSI)

¹¹ Nangta u la hukum, “Ai ba ka khyndew kan pynmih ïa ki jait jingthung baroh, kito kiba pynmih symbai, bad kito kiba pynmih soh” — bad la pyndep ïa ka.

KA BAIBL

¹¹ U Blei u la ong ruh, “To long ba ka khyndew kan pynmih speh, ba ki jhur kin pynsei symbai, bad ba ki dieng soh kin sei soh ha la ka jaid ka jaid, kiba don la u symbai hapoh jong ki, halor ka khyndew.” Te ka la long kumta keiñ.

JENESIS 1:11 Mawu Ofanana

JENESIS 1:12

Kumta ka khyndew ka la pynmih ïa ki jait jingthung baroh, bad U Blei u la sngewbha ïa kaei kaba u ïohi.

JENESIS 1:29

Nga la pynbiang ïa baroh ki jait symbai bad baroh ki jait soh na ka bynta jong phi ban bam;

JENESIS 2:16

U la bthah ïa u, “Me lah ban bam ïa u soh jong uno uno u dieng ha ka kper,

JENESIS 2:5

ym shym don kino kino ki jingthung ha ka khyndew, bad ym shym don symbai ba la shylluit, namar um pat shym la pynhap slap, bad ym pat shym la don mano mano ban rep ha ka khyndew;

JENESIS 2:9

U la pynlong ïa ki jait dieng ba-itynnat baroh ban mih hangta bad kiba pynmih ïa ki soh kiba bha. Hapdeng jong kata ka kper la ïeng u dieng uba ai jingim bad u dieng uba ai jingtip ïa kaba bha bad ïa kaba sniew.

Ka Kitab U Job 28:5

Ka jingbam ka mih na ka khyndew. Hynrei hapoh jong kajuh ka khyndew, baroh ka long ba la pra bad ba la phret.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 147:8

U pynphriang ïa ki lyoh ha ka suiñbneng; u pynbiang slap ïa ka khyndew bad u pynlong ba u phlang un mih ha ki lum.

ISAÏAH 61:11

Shisha kumba u symbai u khie lung bad u san, U Trai Nongsynshar un ïada ïa ki briew jong u, bad ki jaitbynriew baroh kin ïaroh ïa u.

JEREMAÏAH 17:8

U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MARKOS 4:28

Ka khyndew hi ka pynlong ïa u jingthung ban san bad ban seisoh; nyngkong u speh balung u mih, hadien ka kop, bad khatduh ka kop ba-dap da u symboh kew.

1 KORINTH 15:38

U Blei u pyndap ïa uta u symbai da ka met kat kumba u sngewbha; ha uwei pa uwei u symbai ïa la ka met.

HEBRU 6:7

U Blei u kyrkhu ïa ka khyndew kaba kjit noh ïa u slap uba hap bunsien ha ka bad kaba pynmih ïa ki jingthung kiba ai jingmyntoi na ka bynta kita kiba rep ha ka.

JAKOB 3:12

U dieng Dumbur, ko parabangeit jong nga, um lah ban sei ïa ki soh Olib; ne u dieng sohwaiñ um lah ban sei ïa ki soh Dumbur, lymne ka umpohliew mluh kam lah ban pynmih ïa ka um kaba bang.