JAKOB 5:13 - Khasi CL Bible (BSI)

¹³ Hato don napdeng jong phi ba shem jynjar? U dei ban duwai. Hato don uba kmen? U dei ban rwai ïaroh.

KA BAIBL

¹³ Don uno uno ruh uba shah shitom hapdeng jong phi? to un duwai. Don uno uno ruh uba sngewkmen? to un rwai ïaroh.

JAKOB 5:13 Mawu Ofanana

1 KHRONIKL 16:9

Rwai ka jingïaroh ïa U Trai; ïathuh ïa ki jingphylla kiba u la leh.

Ka Kitab U Job 33:26

Haba u duwai, U Blei un jubab ïa u; un mane ïa U Blei da kaba kmen; U Blei un buh beit sa shisien pat ïa kiei kiei na ka bynta jong u.

SALM 105:2

To rwai ka jingïaroh ïa U Trai; ïathuh ïa kiei kiei kiba phylla kiba u la leh.

SALM 118:5

Ha ka jingkordit jong nga, nga la khot kyrpad ïa U Trai; u la jubab ïa nga bad u la pyllait ïa nga.

SALM 18:6

Ha ka jingjynjar jong nga, nga la khot kyrpad ïa U Trai; Nga la khot kyrpad ïa U Blei jong nga ban ïoh jingïarap. Ha ka Templ jong u, u la ïohsngew ïa ka sur jong nga, bad u la shahshkor ïa ka jingkyang jong nga ban ïoh jingïarap.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

SALM 95:2

To ngin ïawan ha khmat jong u da ka jingainguh bad rwai kmen da ki jingrwai ïaroh!

ISAÏAH 65:14

Kin rwai da kaba kmen, hynrei phi phin ïam ha ka jingpait dohnud.

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

JONAH 2:2

“Ha ka jingjynjar jong nga, A Trai, nga la khot kyrpad ïa me, bad me la jubab ïa nga. Na ka jingjylliew jong ka pyrthei kiba ïap nga la khot kyrpad na ka bynta ka jingïarap, bad me la ïohsngew ïa nga.

JONAH 2:7

Haba nga la sngew kumba ka jingim jong nga ka la syntuid noh na nga, te, A Trai, nga la khot kyrpad ïa me, bad ha ka Templ bakhuid jong me, me la ïohsngew ïa nga.

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

MATHAÏOS 26:30

Nangta ki la ïarwai jingrwai bad ki la leit noh sha u lum ki Olib.

LOUKAS 22:44

Ha ka jinglyng-a kaba khraw u la duwai kham jur shuh shuh; ka syep jong u ka la long kum ki jingjaw ka snam kaba hap ha madan.

LOUKAS 23:42

Bad u la ong ha U Jisu, “To kynmaw ïa nga, ko Jisu, haba me wan kum u Syiem!”

1 KORINTH 14:15

Te ngan leh kumno? Ngan duwai da ka mynsiem jong nga, hynrei ngan rwai ruh da ka jingmut jong nga; ngan rwai da la ka mynsiem, hynrei ngan rwai ruh da ka jingmut jong nga.

1 KORINTH 14:26

Kane ka long kaei kaba nga mut, ko parabangeit jong nga. Haba phi ïashem lang ïa ka ban mane ïa U Blei, uwei u don ka jingrwai, uwei pat ïa ka jinghikai, uwei pat ïa ka jingpynpaw na U Blei, sa uwei pat ha ki thylliej bapher, bad sa uwei pat ïa ka jingbatai ïa kaei kaba la kren. Baroh ki dei ban long ki ban ïarap ïa ka balang.

EPHESOS 5:19

To ïakren iwei ïa iwei pat da ki ktien ha ki salm, ki jingrwai ïaroh bad ki jingrwai ba kynja mynsiem; da kaba rwai ki jingrwai ïaroh bad ki salm sha U Trai da ki jingïaroh ha ki dohnud jong phi.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

JAKOB 5:10

Ko parabangeit jong nga, to kynmaw ïa ki nongïathuhlypa kiba la kren ha ka kyrteng jong U Trai. To shim ïa ki kum ki nuksa jong ka jingïaineh ba-ïaishah hapdeng ka jingshahshitom.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”