JAKOB 3:15 - Khasi CL Bible (BSI)

¹⁵ Kaba kum kata ka jingstad kam long kaba wan hiar na bneng; ka long jong ka pyrthei, kam long kaba kynja mynsiem bad ka long kaba kynja ksuid.

KA BAIBL

¹⁵ Kane ka jingstad kam long kata kaba wan hiar na jrong, hynrei, kaba kynja pyrthei, kaba kynja doh, kaba kynja ksuid keiñ.

JAKOB 3:15 Mawu Ofanana

2 SAMUEL 13:3

Hynrei u Amnon u don uwei u paralok uba shalak bha, uba kyrteng u Jonadab, u khun jong u Shammah, u hynmen jong u Dabid.

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

2 SAMUEL 16:23

Ïa kano kano ka jingai jingmut ba u Ahithophel u la ai ha kito ki sngi, la pdiang kumba ka long hi ka ktien jong U Blei; u Dabid bad u Absalom baroh ar ngut ki bud ïa ka.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

LOUKAS 16:8

“Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 13:10

“Me u khun jong u Ksuid! Me long u nongshun ïa kaei kaei baroh kaba bha. Me long uba dap da kiba bun jait ki buit bymman, bad me ju ïai pyrshang ban pynphai ïa ki jingshisha jong U Trai sha ki jinglamler!

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

1 KORINTH 1:27

U Blei u la jied khnang ïa kaei kaba ka pyrthei ka kheiñ ba ka long kaba ibieit khnang ban pynlehrain ïa kiba stad, bad u la jied ïa kaei kaba ka pyrthei ka kheiñ ba ka long kaba tlot khnang ban pynlehrain ïa kiba donbor.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 KORINTH 3:19

Naba ïa kaei kaba ka pyrthei ka pdiang ba ka long ka jingstad, ka long ka jingibieit ha khmat U Blei. Kumba ka Jingthoh Bakhuid ka ong, “U Blei u pynngat ïa kiba stad ha ki buit jong ki;”

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

2 THESSALONI 2:9

Uta u Basniew un wan ha ka bor u Soitan bad un leh shibun ki kambah bad ki kamphylla kiba bakla,

1 TIMOTHI 4:1

U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

JUDAH 1:19

Kine ki long ki briew kiba pynlong ki jingïapait, kiba shah ïalam ha ki jingkwah ba kynja doh jong ki, ki bym don U Mynsiem.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 2:24

“Hynrei kiba sah na kiba don hapdeng jong pha ha Thiatira kim shym la bud ïa kane ka jinghikai basniew; pham shym la nang ïa kaei kaba kiwei ki khot ‘ki jingjylliew barieh u Soitan.’ Nga ong ïa pha ba ngan ym buh kano kano kawei pat ka jingkit halor jong pha.

JINGPYNPAW 9:11

Ki don u syiem uba synshar halor jong ki, uba long u angel uba khmih ïa ka liewlong ba khlem trai. Ka kyrteng jong u ha ka ktien Hebru ka long u Abaddon; bad ha ka ktien Grik ka long u Apollyon (kaba mut u “Nongpynjot”).