JAKOB 3:10 - Khasi CL Bible (BSI)

¹⁰ Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

KA BAIBL

¹⁰ Na kajuh hi ka shyntur ka mih ka jingkyrkhu bad ka jingtim. Kam dei, ko parabangeit jong nga, ïa kine kiei kiei ruh ban long kumta.

JAKOB 3:10 Mawu Ofanana

JENESIS 20:9

Nangta u Abimelekh u khot ïa u Abraham, bad u ong, “Kaei kane kaba me la leh ïa ngi? Nga la leh sniew aïu ïa me ban pynlong ïa me ban pynngat ïa kane ka jynjar ha nga bad ha ka hima jong nga? Ym don uwei ruh u ban leh ïa kaei kaba me la leh ïa nga.

2 SAMUEL 13:12

“Em,” ka ong. “Wat pynbor ïa nga ban leh kum kane ka kam pohjait! Kaba da sngewjli!

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

Ka Shithi U Paul Sha Ki Nong Rom 12:14

To kyrpad ïa U Blei ban kyrkhu ïa kito kiba pynshitom ïa phi — ho-oid, to kyrpad ïa u ban kyrkhu, ym ban tim.

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

JAKOB 1:16

To wat shah shukor, phi ki parabangeit ba-ieit jong nga!

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.

JAKOB 3:11

Ym don ka umpohliew kaba pynmih ïa ka um kaba thiang bad ïa ka um kaba kthang na kajuh ka tyllong.

JAKOB 3:9

Ngi pyndonkam ïa u ban ainguh ïa U Trai bad U Kpa jong ngi bad ban tim ruh ïa la u parabriew, ïa uba la thaw ha ka dur U Blei.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.