ISAÏAH 9:2 - Khasi CL Bible (BSI)

² Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

KA BAIBL

² U paidlang uba la ïaid ha ka jingdum u la ïohi ïa ka jingshai bakhraw: kiba la shong ha ka ri ka syrngiew ka jingïap, la tyngshaiñ ka jingshai halor jong ki.

ISAÏAH 9:2 Mawu Ofanana

Ka Kitab U Job 10:21

Ngan sa leit noh shen bad ngan ym wan phai shuh — ban leit sha ka ri kaba dum bad kaba bym don jingkyrmen,

SALM 107:10

Katto katne ki la im ha ka jingshaïong bad ka jingdum, ki koidi kiba shahshitom ha ki kynjri,

SALM 107:14

U wallam ïa ki na ka jingshaïong bad ka jingdum jong ki bad bthat lyngkhot lyngkhai ïa ki kynjri jong ki.

SALM 23:4

Wat la nga ïaid lyngba ïa ka jingdum tliw tliw, ngan ym sheptieng, A Trai, namar me don bad nga. U diengduh bad u shanduh aplangbrot jong me ki ïada ïa nga.

SALM 4:8

Haba nga dem, nga leit thiah ha ka jingsuk; tang ma me hi, A Trai, me sumar janai ïa nga.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 60:19

“Ka sngi kan ym long shuh ka jingshai jong pha mynsngi, lymne u bnai un long ka jingshai jong pha mynmiet, ma nga, U Trai, ngan long ka jingshai bymjukut jong pha; ka jingshai jong ka burom jong nga kan tyngshaiñ ha pha.

ISAÏAH 9:1

Yn ym don kano kano ka lad ïa ki ban lait phet na kane ka por jingjynjar. Ïa ka ri jong ki jait Sebulun bad Naphtali la pynjahburom shisien, hynrei ka lawei kan wanrah burom ïa kane ka thain, na ka Mediterranian sha ka phang mihngi sha ka ri ha kawei ka liang jong ka Jordan, bad wat sha Galilaïa hi, ha kaba ki nongwei ki shong ki sah.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

NONGBISHAR 5:30

“Ki dang ïawad ïa kiei kiei ban kurup bad ïabynta, Kawei lane ar ngut ki kynthei na ka bynta uwei uwei u shipai, ka jaiñ baremdor na ka bynta u Sisera, bad ki jaiñ ba la thain itynnat na ka bynta ka ryndang jong ka syiem.”