ISAÏAH 32:9 - Khasi CL Bible (BSI)

⁹ Ko phi ki kynthei kiba im suk, ki bym don ki jingkhuslai, to shahshkor ïa kaei kaba nga ong.

KA BAIBL

⁹ To ïeng, phi ki kynthei kiba ha kaba suk, bad to sngew ïa ka ktien jong nga; phi ki khun kynthei bym suidñiew, to pynshahshkor ha ka jingkren jong nga.

ISAÏAH 32:9 Mawu Ofanana

MATHAÏOS 13:9

Bad U Jisu u la pynkut, “To shahshkor, te, lada phi don ki shkor!”

ISAÏAH 28:23

To shahshkor ïa kaei kaba nga ong; pynleit jingmut ïa kaei kaba nga ong ha phi.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

SNGEWSYNEI 4:5

Ki briew kiba shisien ki la bam ïa ki jingbam kiba kynsai tam ki ïapthngan ha ki lynti bah; kito kiba la heh la san ha ka pahuh pahai ki kraid lyngba ka jakhlia na ka bynta ka jingbam.

NONGBISHAR 9:7

Haba u Jotham u tip ïa kane, u leit bad u ïeng ha kliar u Lum Gerisim, bad u pyrta jam sha ki, “Shahshkor ïa nga, phi ki rangbah ka Shekhem, bad U Blei u lah ban sngap ïa phi!

DEUTERONOMI 28:56

Wat ka kynthei kaba jem tam ka dohnud kaba wan na ka ïing kaba donburom, kaba riewspah katta katta katba kam donkam ban ïaid shano shano, kan leh kumjuh. Ynda u nongshun u kerkut ïa ka shnong jong ka, kan sa kyrduh jingbam kat ban da bam buhrieh wat ïa la i khun ba ka dang shu kha bad ïa iba la kha ruh. Kan ym ai ei ei ïa la u tnga uba ka ieit lane ïa la ki khun.

SALM 123:4

La slem ngi la shah rkhiebeiñ ha kiba riewspah, la ibeiñ da ki nongbanbeiñ kiba sarong.

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

JEREMAÏAH 9:19

To shahshkor ïa ka jingsawa ka jingïam ha Seïon, “La pynjot ïa ngi! La pynlehrain khoit ïa ngi! Ngi dei ban iehnoh ïa ka ri jong ngi; ïa ki ïing jong ngi la pynkhyllem.”