ISAÏAH 10:18 - Khasi CL Bible (BSI)

¹⁸ Ïa ki khlaw barben bad ïa ki jaka rep yn pynjot lut thiaw, ha kajuh ka rukom ba ka jingpang bashyrkhei ka pynjot ïano ïano.

KA BAIBL

¹⁸ Te un pynduh noh ïa ka burom ka khlaw jong u, bad ïa ka jong ka lyngkha basei soh jong u, bad mynsiem bad met: kan long ruh kat kumba haba u nongrah lama u ïapler noh.

ISAÏAH 10:18 Mawu Ofanana

2 SYIEM 19:23

Me phah ïa ki nonglamktien ban kob sarong ïa nga ba da ki kali ïapom baroh ki jong me, me la jop thiaw ïa ki lum bajrong tam u Lebanon. Me kob sarong ba hangta me pom ïa ki dieng Kedar bajrong tam bad ïa ki dieng Kseh-Sypress bakynsai tam bad me ïohrung shaduh ki bynta bashapoh tam jong ki khlaw.

2 SYIEM 19:28

Nga la ïohpdiang ïa ka jingtip shaphang ka jingbitar shla jong me bad ïa kata ka jingsarong jong me, bad mynta ngan buh ïa u khwai lyngba ka khmut jong me bad u lakam ha ka shyntur jong me, bad ban ïalam pat ïa me na kajuh ka lynti ba me wan.”

ISAÏAH 10:16

U Trai Badonbor Baroh un phah ka jingpang ban pynshitom ïa kito kiba la bsa bha mynta. Ha ki met jong ki yn don ka ding kaba pluh bad ïai pluh.

ISAÏAH 32:19

(Hynrei u phria un hap ha ki khlaw, bad ïa ka nongbah yn pynjot.)

ISAÏAH 37:24

Me la phah ïa ki shakri jong me ban kob sarong ïa nga ba da baroh ki kali ïapom jong me men jop ïa ki lum bajrong tam ka Lebanon. Me kob sarong ba hangta me pom lut ïa ki dieng Kedar bajrong tam bad ïa ki dieng Kseh bakynsai tam, bad me la poi sha ki bynta barben tam jong ki khlaw.

ISAÏAH 9:18

Ka jingbymman jong ki briew ka pluh kum ka ding kaba pynjot thiaw ïa ki bniap shiah bad ki shiah buid. Ka pluh kum ka ding ha khlaw kaba pynmih shajrong ïa ki rishot tdem.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.