ÏOANNIS 9:16 - Khasi CL Bible (BSI)

¹⁶ Don ki Pharisi kiba la ong, “Uta u briew uba la leh ïa kane um lah ban long na U Blei, naba um shym kohnguh ïa ka hukum Sabbaton.” Hynrei, kiwei pat, ki la ong, “Kumno u briew uba long u nongpop u lah ban leh kum kita ki kambah kat kine?” Bad ka la don ka jingïapait hapdeng jong ki.

KA BAIBL

¹⁶ Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.

ÏOANNIS 9:16 Mawu Ofanana

MATHAÏOS 12:10

ha kaba la don u briew uba don ka kti kaba la ïapshiliang. Katto katne ki briew hangta kiba la kwah ban mudui ïa U Jisu ha ka jingleh bakla, kumta ki la kylli ïa u, “Hato ka long pyrshah ïa Ka Aiñ jong ngi ban pynkhiah ha ka sngi Sabbaton?”

MATHAÏOS 12:2

Haba ki Pharisi ki la ïohi ïa kane, ki la ong ha U Jisu, “Ha khmih, ka long pyrshah ïa Ka Aiñ jong ngi na ka bynta ki synran jong me ban leh ïa kane ha ka sngi Sabbaton.”

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

ÏOANNIS 10:19

Ka la don ka jingïapait biang hapdeng ki briew namar kine ki ktien.

ÏOANNIS 14:11

To ngeit ïa nga haba nga ong ba nga long ha U Kpa bad U Kpa u long ha nga. Lymda kumta, to ngeit namar kiei kiei kiba nga leh.

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:10

Kane ka la jia ha ka sngi Sabbaton, kumta ki nongsynshar jong ki Jiw ki la ong ïa uta u briew uba la ïohkhiah, “Kane ka dei ka sngi Sabbaton, bad ka long pyrshah ïa ka Hukum jong ngi ïa me ban rah ïa la ka jingthiah.”

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

ÏOANNIS 6:52

Kane ka la pynmih ïa ka jingïatainia kaba tyngeh hapdeng jong ki. “Kumno une u briew u lah ban ai ha ngi ïa ka doh jong u ban bam?” ki la kylli.

ÏOANNIS 7:12

Ka la don ka jingïa-pasiaw kaba jur shaphang jong u hapdeng u paidbah. “U long u briew uba bha,” don kiba la ong. “Em,” kiwei ki la ong, “u ïalam bakla ïa ki briew.”

ÏOANNIS 7:23

Lada ïa u khynnah la otsher ha ka sngi Sabbaton ba yn ym pynkheiñ ïa ka Hukum u Moses, balei phi bitar ïa nga namar ba nga pynkhiah ïa u briew ha ka sngi Sabbaton?

ÏOANNIS 7:43

Kumta ka la don ka jingïapait hapdeng u paidbah namar U Jisu.

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

KI KAM 14:4

Ki briew jong ka nongbah ki la long arliang: Katto katne ngut ki la long na ka bynta ki Jiw, kiwei pat na ka bynta ki apostol.