ÏOANNIS 7:6 - Khasi CL Bible (BSI)

⁶ U Jisu u la ong ha ki, “Ka por kaba biang na ka bynta jong nga kam pat poi. Kano kano ka por na ka bynta ïa phi ka biang.

KA BAIBL

⁶ Ynda kumta, U Jisu u la ong ha ki, “Ka por jong nga kam pat poi: hynrei, ka por ka jong phi ka la kloi ha la ka sngi.

ÏOANNIS 7:6 Mawu Ofanana

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

MATHAÏOS 26:18

“To khie leit sha uwei u briew ha ka nongbah,” u la ong ïa ki, “bad ïathuh ha u: ‘U Nonghikai u ong, ka por jong nga ka la poi; ki synran jong nga bad ma nga ngin rakhe ïa ka Jingkhawai Niam Ka Jinglait ha ïing jong me!’ ”

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ÏOANNIS 2:4

“Phim dei ban ong ïa nga ïa kaei ba ngan leh,” U Jisu u la jubab. “Ka por jong nga kam pat poi.”

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

ÏOANNIS 7:8

Ma phi to nang ïaleit sha ka Jingkhawai Niam. Nga ngam leit sha kane ka Jingkhawai Niam, namar ba ka por kaba biang kam pat poi na ka bynta jong nga.”

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

KI KAM 1:7

U Jisu u la ong ha ki, “Ïa ki por bad ki jingjia la buh da U Kpa ha ka bor jong u hi, bad kam dei ïa phi ban tip lano kin jia long.